कतै तपाईंको बियरमा माछा त छैन ?

बियरमा माछा मिसिएको हुन्छ भन्ने बारे सायद धेरै मानिसहरुलाई थाहा नहोला । बेलायतको एक संस्थाले बियर शुद्ध हुनुपर्ने माग राखेको छ ।

बेलायतमा रहेको एक उपभोक्ताको स्वतन्त्र संगठन ‘केम्रा’ ले मानिसहरुले शुद्ध बियर पाउनुपर्छ भन्दै आन्दोलन गर्ने गरेको छ । बियर बनाउने कम्पनीले यसमा माछाको प्रयोगको विकल्प राख्नुपर्ने माग गरेका छन् । तर प्रश्न यो छ कि आखिर बियरमा माछाको प्रयोग किन गरिन्छ ?

यदि तपाईंमध्ये कसैले बियर के के मिलेर बनेको हुन्छ भन्ने प्रश्न सोध्दा यसको जवाफमा तपाईंले जौ, जई पानीका साथै थोरै मर्चा ।

सायद कसैले पनि तपाईंलाई यसमा माछाको स्विम ब्लेडर पनि छ भन्दैन होला । यो ब्लेडरमा एक प्रकारको जिलेटिन हुन्छ जो वास्तवमा धेरैजसो बियरमा मिसाइन्छ र यसको प्रयोग आजकाल मात्र गरिएको होइन । यसलाई १९ औं शताब्दीदेखि प्रयोग गरिँदै आएको छ । उसले बियरलाई सफा र चम्किलो बनाउनुका साथै यसले पिउने व्यक्तिलाई निकै आकर्षित गर्दछ । सानादेखि ठूला बियर उत्पादक कम्पनीले यसको अत्यधिक प्रयोग गर्ने गर्दछ ।

बियर उत्पादक कम्पनी टविस्टे ब्यारलले सन् २०१४ मा कम्पनी सुरुवात गरेदेखि नै यसको प्रयोग नगर्ने घोषणा गरेको थियो । कम्पनीका पूर्ण रुपमा शाकाहारी मालिक मि बोसवर्थ भन्छन्, ‘जब मलाई यसबारे पहिलो पटक थाहा भयो तब म निकै अचम्ममा परें। मलाई यो विषयमा कुरा गर्न घिन लाग्यो । ’

‘बियरलाई मरेको माछाले सफा गर्ने कुरा कुनै पनि बियर उत्पादक कम्पनीले स्विकार गर्दैन । यसले बियरमा पाइने विभिन्न फ्लेवरलाई पनि नष्ट गर्दछ,’ उनले बताए ।

उनका अनुसार बियर कस्तो देखिन्छ भन्ने कुरा महत्वपूर्ण होइन । यसमा के मिसाइन्छ भन्ने कुरा ठूलो हो ।