आठ बर्षपछि दुई गाविस बत्तीले झिलिमिली

डोल्पा  । यहाँका ग्रामिण भेगका दुईवटा गाविस आठ बर्षपछि बत्तीले झिलिभिली भएका छन्  ।

एक सय किलोवाट क्षमताको खाली छहरा जलबिद्युत आयोजनाले गत बैशाख १ गते देखि परीक्षण सेवा सुरु गरेपनि भदौ अन्तिम साता देखि दुईवटै गाविसमा सेवा सुरु गरिएको हो ।

बिद्युत सेवा सुरु र्भपछि पहाडा र लिकु गाविसका ८ सय धेरै घरधुरीमा बत्ती बलेको हो ।
बत्ती बलेपछि सर्वसाधारणमा खुशियालि छाउनुको साथै बिभिन्न बिद्युतिय सामाग्रिहरु प्रयोगगर्न पाईने भएपछि स्थानियहरु खुशिले दङ्ग भएको स्थानिय सरोज खत्रीले बताए ।

आयोजना निर्माणकालागि बैकल्पिक उर्जा प्रवर्दन केन्द्र,लगायत बिभिन्न संघ संस्थाहरुको आर्थिक सहयोगमा गरेको निर्माण समितीले बताएको छ ।

यस बाहेक बिभिन्न निकायले गरेको सहयोग समेत गरेर ७ करोड ५० लाख धेरै खर्च भईसकेको र सबै आयोजनाको निर्माणकार्यकालागि ८ करोड ५० लाख खर्च लागेको लाग्ने अनुमान गरिएको निर्माण समितीका अध्यक्ष भैर बहादुर शाहीले बताए ।

आयोजना २०६६ सालमा सम्झौता भएपनि रकम अभावले काममा ढिलाई भएको कारण आठ बर्षपछि मात्र बत्ती बलेको शाहीले बताए ।