पूर्वी नेपालमा पनि पटाका पड्काउनेलाई प्रहरीले नछाड्ने

इटहरी । पूर्वमा यस अघिका बर्षको अनुपातमा इटहरीमा ठुलो परिमाणमा पटाका तथा आतिस बाजी प्रहरीले बरामद गर्न सफल भयो । सुनसरी, सप्तरी, झापा, मोरङ तथा अन्य जिल्लाहरुमा माध्ये इटहरीमा ठुलो परिमाणमा पटाका प्रहरीले बरामद गरयो । जसमा पटाका कारोबार गर्ने केही व्यवसायीक व्यक्ति पक्राउ पनि परे ।

इटहरी आफैमा ट्रान्जिट शहर हो, त्यस कारण पनि इटहरीमा प्रहरीले पटाका नियन्त्रणमा देखाएको सकृयताले पनि अन्य शहरमा पटाका चोरी तस्करीमा पनि कमी आएको प्रहरीको दाबी छ ।
इलाका प्रहरी कार्यालय इटहरीको टोलीले बिभिन्न शहरमा बिक्री गर्न लगिएका हजारौ प्याकेट बिभिन्न किसिमका पटाका बरामद गरियो । पूर्व क्षेत्रमा तिहारको समयमा पटाका नियन्त्रणमा प्रहरी पनि आक्रमक बन्यो ।

त्यस कारण पनि सबै शहरमा प्रहरीले पटाका नियन्त्रणमा बिशेष अभियान चलायो । तर जति नियन्त्रण गरेपनि लुकाई छिपाई गरि ल्याइएका पटाका बजारमा पड्किन क्रम भने चलिरहेको छ । तर पहिलेको अनुपातमा यस बर्ष इटहरीमा भने पटाकाका आवाज काम सुनिने गरेको छ ।

इलाका प्रहरी कार्यालय इटहरीले पनि अझै पनि पटाका लुकाई छिपाई बिक्री गर्ने पसलेहरुको खोजीलाई कडा बनाएको छ । जसमा केही पसले पनि प्रहरीको फन्दामा परेका छन ।

प्रहरीले अहिले इटहरी चौकमा पड्किने पटाका नियन्त्रणमा पड्काउनेलाई नै पक्राउ गर्ने रणनिति बनाएको छ । जसमा डिएसपी नरेशराज सुवेदी आफै रातको अबेर सम्म इटहरी एरिया निरिक्षणमा निस्नछन । जता पटाका पड्किन्छ उता प्रहरीको टोली परिचालन गरेर भएपनि पटाका पड्काउनेलाई पक्राउ गर्ने सुवेदीको रणनिति छ ।

शुक्रबार र शनिबार इटहरीबाट पटाका पड्काउने ३ जनालाई समेत प्रहरीले पक्राउ गरेको छ ।

पटाका आतिस बाजीका कारण आगलागीको जोखिम यो समय बढी हुने भएकाले पनि हामी पटाका नियन्त्रणमा अली बढी कडा भएका हौ डिएसपी सुवेदीले भने । सामान्य प्रकारका फुलजरी, झिरझिरे आदी जस्ता रमाइलोको लागी प्रयोग गर्न सकियो तर ठुला ठुला आवास दिने पटाका जोखिम हो ।

कही कतै पटाकाको आवाज आउछ त्यतै प्रहरीको टोली परिचालन गरिएको छ उनले भने ।

यस्तै इटहरीमा तिहारको समयमा आगलागीको जोखिम नियन्त्रण गर्न इटहरी उप–महानगरपालिकाको सबै दमकल तथा जनशक्ति तयारी अबस्थामा राखिएको छ । तिहारको समयमा पनि चोरी लुटपाटका घटना हुने गरेको भन्दै इटहरीका सबै क्षेत्रमा प्रहरीको टोली परिचालन गरिएको छ । पैदल गस्ती, मोबाईल गस्ती सगै सादा पोशाकका प्रहरी परिचालन गरि चाडपर्वको समयमा हुने अपराधिक कृयाकलाप नियन्त्रणमा प्रहरी सचेत रहेको डिएसपी सुवेदीले बताए ।

यस्तै तिहारमा हुने देउसी भौलो खेल्ने समय १० बजे सम्म तोकिएको छ । देउसी भौलोकोे कारण झै–झगडा हुने गरेकाले पनि समयमै सभ्य रुपमा देउसी भौला खेल्न उनले आग्रह गरे ।