१२० वर्षका तन्दरुस्त बाबा जो प्रवचन भन्न बेलायत, अमेरिका जान्छन्

लामो आयुका लागि स्वस्थ शरिर चाहिन्छ । स्वस्थ शरिरका लागि सन्तुलित आहार आवश्यक पर्छ भन्ने बुझाई धेरैको छ । तर के लामो आयु बाँच्नका लागि यी बाहेक अन्य केही तरिका छन् ? बनारसका तन्दरुत १२० वर्षीय बाबा शिवानन्दलाई देखेर यस्ता प्रश्न उठ्न सक्छन् ।

बाबा शिवानंदले बिहान तीन बजे नै आफ्नो बिस्तारालाई छोड्ने गर्दछन् । त्यसपछि स्नान गर्छन् अनि एक घण्टा योग । उनी निकै सादा खाना खान्छन्– उसिनेको आलु, थोरै दाल चामल र दैनिक करेलाको तरकारी वा नीमको सुख्खा पातहरु ।

पिरो र मसालेदार खाना मननपर्ने उनी दुध र फलफूल पनि खाँदैनन् । यसको कारणमा उनी बताउँछन्, ‘हाम्रो देशमा अहिले पनि धेरै मानिसहरु गरिब छन् जसको भाग्यमा दूध र फलफूल हुँदैन ।’ यसका साथै उनी सम्भोगबाट पनि टाढै भएका कारण आफूले कहिले पनि विवाह नगरेको बताउँछन् । उनी भन्छन्, ‘मेरो गुरुको कृपाले मलाई यसप्रति इच्छा नै भएन । साथै न मलाई कुनै रोग छ, न डिप्रेशन न त कुनै हाइपरटेन्सन ।’

शिवानन्द सन् १८८६ को ८ अगस्टमा श्रहट्ट जिल्लाको हबीबगंज महकुमा, ग्राम हरिपुरको बाहुबल इलाकामा एक ब्राह्मण परिवारमा जन्मेका थिए । यो ठाउँ अहिले बंगलादेशमा पर्छ ।

उनीसँग अंग्रेजीमा रुपान्तरित उनको कुण्डली, आधार कार्ड र पासपोर्ट पनि छ । उनी प्रवचनका लागि बेलायत, अमेरिका र बंगलादेश गइसकेकमा छन् । उनका अनुसार उनका बुवाआमाले मानिसहरुको ढोकाढोकामा गएर भिक मागेर आफ्नो जीविका चलाएका थिए ।

उनी भन्छन्, ‘जब म चार वर्षको थिएँ तब मेरा आमाबुवाले मलाई नवद्वीप निवासी बाबा ओंकारनन्द गोस्वामीलाई समर्पित गरिदिए । जब म ६ वर्षको थिएँ तब मेरा आमाबुवा र बहिनीको भोकमरीले ज्यान लग्यो । त्यसपछि मैले मेरो गुरुजीको अधिनमा अध्यात्मको शिक्षा लिन सुरु गरें । उनकै प्रेरणाले मैले विवाह नगर्ने निर्णय लिएँ ।’

बंगलादेशका उनका चेला सत्यहरिदास आफ्नो गुरुको जीवनशैली, स्वस्थ जीवन र लामो आयुबाट निकै प्रभावित भएको बताउँछन् ।

बनारसमा डिजेल लोकोमोटिवमा टेक्निकल इन्जिनियर जवहारलाद सिंह सन् १९८४ देखि बाबाका भक्त रहँदै आएका छन् । उनी शिवानंदलाई महापुरुष मान्दछन् । डिब्रुगढ (आसाम) का महामुनी जब १० वर्षका थिए त्यतिबेलादेखि नै शिवानंदसँग प्रभावित छन् ।

शिवानंदका चेलाहरु बाबाको नाम गिनिज बुक अफ वर्ल्ड रेकर्डमा दर्ता भएको हेर्न चाहन्छन् ।