रेसिपी : दसैँमा पाहुनाहरुलाई चखानुहोस् ‘ओरेन्ज स्पेसल’ मेन्यु

दसैँ हिन्दु धर्मावलम्बीको महान् चाड हो । दसैँलाई परिकारको चाडका रुपमा पनि लिइन्छ । वर्षभरिको थकाइ मार्ने, आफन्तसँग भेटघाट गर्दै मीठा–मीठा परिकार खाने पर्वका रुपमा यसलाई लिइन्छ । दसैँमा लामो छुट्टी हुृने भएकाले घरैमा विभिन्न परिकार बनाएर खान सकिन्छ । दसैँको अवसर पारेर रातोपाटीले मासुका विभिन्न परिकार, स्न्याक्स छिटो–छरितो तरिकाले पकाउने विधि पस्कँदै छ । उल्लिखित परिकार कुपनडोलस्थित ओरेन्ज क्याफेको मेनुमा पर्छ ।

चिकन जिन्जर

आवश्यक सामग्री

–     चिकन क्युब (बोनलेस) आठ पिस

–     राम्ररी काटिएको टमाटर

–     राम्ररी काटिएको प्याज

–     लसुन दुई केस्रा

–     लामो–लामो काटेको अदुवा (५० ग्राम)

बनाउने तरिका

–     कुकिङ प्यानमा सनफ्लावर कुकिङ तेल दुई चम्चा राख्ने

–     तेल मनतातो भइसकेपछि राम्ररी काटिएको प्याज, टमाटर तेलमा फुराउने (सानो आगोमा)

–     हल्का खैरो भएपछि चिकन क्युब हाल्ने र करिब पाँच मिनेटजति चलाउने ।

–     मसलामा धनियाँको धूलो, अलिकति बेसार, नुन र खुर्सानी स्वादअनुसार हाल्ने र १५–२० पकाउने

–     यसरी पकाएपछि गोल्डेन कलर आउँछ

–     यसपछि बाउल वा प्लेटमा परिकारलाई सर्भ गर्न सकिन्छ र परिकार तयार भइसकेपछि माथिबाट काटिएको लसुन छरेर सजाउने ।

ओरेन्ज मिक्स्ड भेजिटेबल करी

आवश्यक सामगी्र

–     उसिनेको आलु तीन/चार पिस

–     फ्राइ गरेको पनिर तीन/चार पिस

–     सिमी तीन/चार पिस

–     काउली तीन/चार पिस

–     गाँजर तीन/चार पिस

–     राम्ररी काटिएको प्याज

–     टमाटरको प्युरी

–     जिराको धूलो, अदुवा लसुनको पेस्ट, करी पाउडर

–     धनियाँ क्रस

बनाउने तरिका

–     एउटा कुकिङ प्यान लिने, त्यसमा दुई चम्चा तेल हाल्ने र प्याज फुराउने

–     प्याज फुराइसकेपछि अदुवा, लसुनको पेस्ट, बेसार राख्ने

–     आलु, पनिर, सिमी, काउलीलगायत सबै सामग्री हालेर करिब १० मिनेटजति पकाउने

–     नुन, खुर्सानी स्वादअनुसार

–     त्यसपछि टमाटरको प्युरी हालेर पाँच मिनेटजति छोप्ने

–     पाँच मिनेटपछि धनियाँको क्रस हालेर सर्भ गर्ने

ओरेन्ज स्पेसल क्रिस्पी आलु

आवश्यक सामगी्र

–     रोजम्यारी

–     राम्रे ३ वटा आलु

–     मकैको पीठो

बनाउने तरिका

–     सबैभन्दा पहिले आलुलाई ताछेर हाल्फ बोइल गर्ने

–     त्यसपछि आलुलाई फिङ्गर चिप्स स्टाइलमा काट्ने

–     मकैको पीठोलाई पानीमा हालेर लेदो बनाउने, त्यसपछि नुन स्वादअनुसार, रोजम्यारी, अलिकति खुर्सानीको धूलोमा काटिएका आलु मोल्ने

–     त्यसपछि तेलमा डिप फ्राइ गर्ने पाँच मिनेटजति

–     क्रिस्पी आलु तयार भयो