मिस इकलेज २०१६ को लागि आवेदन फारम खुल्ला

काठमाडौं   । विगत ७ वर्ष देखि निरन्तररुपमा विभिन्न सौन्दर्य प्रतियोगीताहरुको आयोजना गर्दै आएको सिजन मिडिया प्रा.लि.ले मिस ईकलेज २०१६ को सातौैं संस्करणको लागि आवेदन फारम खुल्ला गरिएको जानकारी दिएको छ ।
उपत्यका लगायत मोफसलका विभिन्न कलेजमा अध्ययरत १६ वर्ष देखि २४ वर्ष सम्मका छात्राहरुलाई मध्यनजर राखि मिस ईकलेज २०१६”े को आयोजना गर्न लागिएको सिजन मिडियाका प्रवन्ध निर्देशक प्रदिपराज वन्तले बताए ।

कलेज स्तरका युवतीहरुको व्यक्तित्व विकास, आत्मविश्वास अभिवृद्धि, क्षमता उजागर लगायत नेतृत्वदायी क्षमताको आवश्यकताको जानकारी र सोही अनुरुप त्यसको उपयोगिताबारे मार्ग निर्देशन दिंदै समाज उपायोगी जिम्मेवार व्यक्तिको रुपमा अगाडि आउन सहयोग गर्ने हेतुले यो कार्यक्रम गरिएको उनले बताए ।

विगत ७ वर्षदेखि काठमाण्डौमा रहेर विभिन्न सामाजिक सांस्कृतीक तथा मनोरञ्जनात्मक कार्यक्रमहरु गर्दै आएको मिडियाले गरेको यो सातौ चरणको लागि आवेदन फारम खुल्ला गरेको हो ।
उक्त कार्यक्रममा विभिन्न कलेजहरुवाट ३० जना प्रतियोगीहरुलाई सहभागी गराइने बताइएको छ ।

उक्त कार्यक्रमको लागि सहभागीताको लागि मंसिर पहिलो साता सम्म आवेदन फारम सिजन मिडियाको कार्यालय पुतलीसडकमा भर्न सकिनेछ ।
प्रतियोगीताको अन्तिम प्रतिस्पर्धा पौषको द्रोस्रो साता राजधानीमा सम्पर्न हुनेछ ।

प्रतियोगिताका विजेताले “मिस ईकलेज २०१६” कोे ताज उपाधि सहित रु एकलाख ७५ हजार पर्ने स्कुटर र उच्च शिक्षामो छात्रावृत्ति पाउने छिन साथै अन्य गिफ्टहयाम्पर पाउने छन । फस्ट रनर अप र सेकेण्ड रनर अपले भने मोवाइल तथा विभिन्न गिफ्टहयाम्परहरु तथा छात्रावृत्ति आदि प्राप्त गर्ने छन् । यस बाहेक अन्य विभिन्न २० विधामा पनि विजेता छनौट गरिने सिजन मिडियाले जनाएको छ ।