‘मेरो पैसा खै’मा बलिउड फिल्म ‘भुतनाथ’का निर्देशक विवेक

काठमाडौं । वलिउड निर्देशक विवेक शर्माले नेपाली फिल्म निर्देशन गर्ने भएका छन् । फिल्म ‘भुतनाथ’ निर्देशन पछि चर्चामा आएका निर्देशक शर्माले निर्माता, निर्देशक ,कलाकार रोज राणाको नयाँ फिल्म ‘मेरो पैसा खै’ निर्देशन गर्ने भएका हुन् ।

मंगरबार अबेर राजधानीमा आयोजित एक कार्यक्रममा फिल्म ‘मेरो पैसा खोई’ घोषणा भयो । ११ भाषामा डबिङ गरेर भारत र नेपाल एकसाथ रिलिज गरिने फिल्म नेपालका लागि ‘मेरो पैसा खोई’ र बलिउडका लागि हिन्दी नाम ‘मेरे पेसे कहाँ हे’ राखिने छ ।

बलिउड सुपरस्टार अमिताभ बच्चन र शाहरुख खान जस्ता कलाकारसँग काम गरिसकेका शर्माले नेपाली फिल्म पैसाको लागि भन्दा पनि नाम र इज्जतको लागि बनाउन लागेको बताए । ‘पैसाले हरेक ब्यक्तिको जीवनमा उतार चढाप ल्याउने गर्दछ ।

यो नै मेरो फिल्मको बिषय बस्तु हो’ निर्देशक शर्माले फिल्मको कथा खुलाए ।
प्रेम र कमेडी बिषय पनि समेटिने यो फिल्म रेदाअंश सिने आर्ट्सको व्यानरमा बन्ने छ । फिल्मको लागि निर्माताको तर्फबाट गर्नु पर्ने तयारी आफुले पुरा गरेको निर्माता रोज राणाले बताए । हालै ‘जय परशुराम’ निर्माण निर्देशन गरेका राणाले निर्माण र कलाकार आफ्नो कुनै हस्ताक्षेप नहुने सुनाए ।

फिल्ममा आधा नेपाली र आधा बलिउड कलाकार समेटिने छन् । नेपाली कलाकार अडिसन बाट छनोट गर्ने कार्यक्रममा जानकारी दिइयो । फिल्मको लागि अहिले द्वन्द्वमा चन्द्र पन्त अनुबन्धित भएका छन्

। फिल्म नेपालका मुस्ताङ, पोखरा, काठमाडा र भारतका मुम्बईका बिभिन्न लोकेशनमा खिचिने छ ।
निर्देशक शर्माले ‘भूतनाथ’, ’कल किस्ने देखा’ निर्देशन गरेका छन् भने उनको फिल्म ‘बुद्दम शरणम गच्छामी’निर्माणको क्रममा छ । शाहरुख खानको फिल्म निर्माण कम्पनी रेड चिल्लिजमा प्रमुख हर्ताकर्ताको रुपमाकाम गरेका उनको आफ्नै ‘फिल्मजोन’ नामक निर्माण कम्पनी रहेको छ ।

निर्देशक शर्माले बलिउड फिल्म ‘बुद्धम शरणम गच्छामी’को तयारीमा व्यस्त छन् । यो फिल्ममा सुपरस्टार अमिताभ बच्चन नै लिड अभिनयमा रहने बताईएको छ । शर्माले ’कल किस्ने देखा’नामको फिल्म पनि यसअघि नै निर्देशन गरिसकेका छन् भने वलिउडका माथी उल्लेखित दुई र अर्को ’लभ यू हमेशा’ नामको फिल्मको उनी कथा लेखक पनि हुन् ।

फिल्म नेपाली र हिन्दीको अलवा अन्य ११ भाषामा पनि डबिङ्ग गरिनेछ ।