बैज्ञानिकको नयाँ दाबीः बरमूडा त्रिकोणको रहस्यको पछाडि षट्कोण बादल

दशकौंदेखि मानिसहरुलाई रनभुल्लमा पारिरहेको बरमूडा त्रिकोणको रहस्यको विषयमा वैज्ञानिकहरुले रहस्यको नयाँ पोको फुकाएको दाबी गरेका छन् ।

वैज्ञानिकको दाबी अनुसार बरमूडा त्रिकोण रहस्यको पछाडि हेक्सागनल क्लाउड्स (षट्कोण बादल) को हात हुनसक्छ । अहिलेसम्म सय वर्षमा करिब १ हजार मानिस यो रहस्यको चपेटामा परेर आफ्नो ज्यान गुमाइसकेका छन् ।

यद्यपी, वैज्ञानिकले बरमूडा त्रिकोणबारे गरेको यो दाबी पहिलो भने होइन । यसै वर्ष मार्चमा वैज्ञानिकहरुले दाबी गरे अनुसार पानीको १५० फिट भित्र आधा माइलभन्दा बढि चौडा क्रेटर (ज्वालामुखीको मुख) को कारण यो रहस्यमय त्रिकोण बनेको हो ।

के हो षट्कोण बादलः
वैज्ञानिकका अनुसार बरमूडा त्रिकोणको षट्कोण बादलका कारण अस्तित्वमा आएको हो । यसको निर्माण मौसमी स्थितीमा परिवर्तनका कारण हुने गर्दछ । जतिबेला षट्कोण बादल बन्छ, त्यतिबेला यो सँग जहाज वा प्लेन डुबाइदिने क्षमता हुन्छ । बैज्ञानिकहरुले रिपोर्टमा दाबी गरे अनुसार बादलले १७० एमपीएचको गतीमा ‘एयर बम’ बनाउँछ जसले विशाल जहाज वा प्लेनसम्मलाई तल खसाल्न सक्षम हुन्छ ।

लोकलाइज्ड करेन्टबाट यसको निर्माण हुन्छः
मौसमी विज्ञ र्याडी सरवेनीको भनाई अनुसार यसको निर्माण ठूलो मात्रामा लोकलाइज्ड एयर करेन्टका कारण हुने गर्दछ । यो बादलको तल आउँदा समुन्द्रमा तरंग पैदा गर्दछ । कहिलेकाँही यो यति शक्तिशाली विशाल आकारको हुन्छ कि उनीहरु एक–अर्कासँग ठोक्किने गर्दछन् ।