जिविससहित १६ सरकारी कार्यालय प्रमुखविहिन

डोल्पा । यजिल्ला विकास समिति डोल्पासहितका १६ कार्यालय प्रमुख विहिन भएका छन् ।

दशँैबिदामा घर गएका कार्यालय प्रमुख तथा कर्मचारी तिहार सकिसक्दा पनि नफर्केपछि जिल्लाका अधिकाशं सरकारी कार्यालय प्रमुख विहिन भएका हुन् ।
प्रमुख विहिन हुने कार्यालयहरुमा जिविस ,कृषि, मालपोत, नापी, शिक्षा,स्वास्थ्य,निर्वाचन,जलप्रकोप,सिँचाई,पशु सेवा,आयुर्वेद,कोलेनिका,हुलाक,महिला विकास लगायतका कार्यालय रहेको नागरिक समाज डोल्पाले जनाएको छ ।

जिल्लाको प्रमुख निकाय जिविसले स्थानिय निकाय पुनःसंरचनाको कामलाई समेत वेवास्ता गरेर स्थानिय विकास अधिकारी सागर मिश्र गत असोज ३ देखि कार्यालयमा नआएको नागरिक समाजका अध्यक्ष्य शेर बहादुर बुढाले बताए ।

कर्मचारी नबस्ने कुरालाई हेलो सरकार सम्म पु¥याउँदा तत्काल सुनुवाई भएर सम्बन्धित मन्त्रालय तथा क्षेत्रीय कार्यालयमा निर्देशन दिइएपनि यसलाई बेवास्ता गरेर कार्यालयमा उपस्थित नभएको उनले बताए ।

कार्यालय प्रमुख तथा कर्मचारी नबस्ता सर्वसाधारणहरु हरेक प्रकारका सेवा सुविधाबाट बञ्चित भएका छन् ।
यसरी जिल्लामा कर्मचारीको मनपरि चलिरहँदापनि प्रशासन मौन रहेको नागरिक समाजको भनाई छ ।