ए आर रेहेमानदेखि माइकल ज्याक्सनसम्मः धर्म परिवर्तन गरी मुश्लिम बन्ने १० सेलिब्रिटी

गर्भवती पप स्टार जेनेट ज्याक्सनले सन् २०१२ मा कतारमा जन्मिएका लण्डनका अर्बपती मुस्लिम विसाम अल मानासँग विवाह गरेपछि आफ्नो धर्म परिवर्तन गर्दै मुश्लिम धर्म अपनाएकी छिन् । आफूभन्दा ९ वर्ष कान्छोसँग विवाह गरेकी माइकल ज्याक्सनकी बहिनी जेनेट निकै छोटो पहिरनका कारण चर्चामा छाइरहन्थिन् ।

५० वर्षीया जेनेटलाई लण्डनको सडकमा निकै भिन्न स्वरुपमा देखिएको छ । सन् १९३३ मा रोलिङ स्टोन म्यागजिनको कभरका लागि फोटोसुट गर्दै आफ्नो ‘सोलो करियर’ सुरुवात गर्ने जेनेट टाउकोदेखि खुट्टासम्म पूर्ण रुपमा ढाकिएको तस्बिर सार्वजनिक भएको छ । जुन निकै अचम्म हो । जेनेटको उक्त फोटोसुट म्यागजिनको अहिलेसम्मकै सबैभन्दा सेक्सी फोटोसुट साबित भएको छ ।

स्रोत भन्छ, ‘जब उनी विसामको परिवारलाई भेट्न मिडल इस्ट जान्छिन् तब उनी मेकअप गर्दिनन्, हेयर एक्सटेन्सन लगाउँदिनन् र परम्परागत मुस्लिम पहिरन लगाउँछिन् ।’

‘उनले आफ्नो नयाँ धर्मको लागि घर भेटेको अनुभव गरेकी छिन् । यसबारे अध्ययन गर्न उनले राम्रै समय बिताएकी छिन् ।’ स्रोतले थप्यो । ‘अचम्मको डान्स मुभ र गीतमा यौनजन्य शब्द, अब सायद उनको लिष्टबाट हटे ।’

धर्म परिवर्तन गरी मुश्लिम बन्ने सूचीमा जेनेटका साथै अन्य सेलिब्रिटी पनि छन् । यसबारे जानकारी लिऔंः

१. माइकल ज्याक्सनः
सन् २००८ मा विभिन्न रिपोर्टले माइकल ज्याक्सनले इस्लाम धर्म अवलम्बन गरेको दाबी गर्यो । उक्त सामाचारले थप विश्वसनीयता त्यतिबेला पायो जब माइकल ज्याक्सनले आफ्नो नाम मिकाइलमा परिवर्तन गरे भन्ने रिपोर्ट सार्वजनिक भयो । यद्यपी, यी पपस्टार खरब सार्वजनिक भएको केही समयपछि नै बिते । त्यसकारण यो रहस्य, रहस्यमै सिमित रह्यो ।
२. माइक टाइसनः
सबैभन्दा चर्चित र रुचाइएका बक्सर माइक टाइसन बलात्कारको अरोपमा जेल चलान हुँदा इस्लाम धर्मलाई स्विकार गरेको बताइएको छ ।

३. मोहम्मद अलीः
प्रतिष्ठित बक्सिङ च्याम्पियन र ओलम्पिक मेडलिष्ट मोहम्मद अली जन्मजात क्रिस्चियन थिए । उनको नाम क्यासियस क्ले थियो । यद्यपी, सन् १९६२ मा जब उनी २० वर्षको भए तब उनको भेट अफ्रिकी–अमेरिकी मुस्लिम र मानव अधिकारवादी माल्कोम एक्ससँग भयो । जसले उनलाई इस्लामको देशसँग परिचित गराए र अफ्रिकी–अमेरिकीको स्थिती सुधारका लागि थालिएको धार्मिक आन्दोलनबारे जानकारी दिए । उनीसँग प्रभावित अलीले तत्काल इस्लाम धर्म अपनाए।
४. स्नूप डगः
हिप हप र्यापर स्नूप डग इस्लाममा परिवर्तन हुने अर्का सेलिब्रिटी हुन् । उनले शान्ति र सद्भाव फैलाउनका लागि उक्त अभियानलाई समर्थन गरेको बताएका थिए । यद्यपी, उनले त्यसको तीन वर्षमा नै पुनः धर्म परिवर्तन गरे ।
५. एआर रहमानः
भारतीय संगीतका प्रसिद्ध निर्माता/गायक/गीतकार एआर रहमानको हिन्दु परिवारमा जन्म भएको थियो । उनलाई उनको परिवारले दिलिप कुमार नाम दिएका थिए । उनकी आमा भने इस्लाम परिवारकी थिइन् । रहमान हिन्दु भएरै हुर्किए । उनकी बहिनी निकै बिरामी भएपछि इस्लाम धर्ममा उनी आकर्षित भएर तत्काल धर्म परिवर्तन गरेको बताइएको छ ।

६. शर्मिला टेगोरः
हिन्दु परिवारमा जन्मिएकी शर्मिला टेगोरले भारतीय मुस्लिम क्रिकेटर, मन्सुर अली खान पटौदीसँग प्रेममा परेपछि उनीसँग विवाह गर्ने योजनासहित सन् १९६९ मा मुस्लिम धर्म अपनाइन् । मन्सुरलाई विवाह गर्न शर्मिलाले आफ्नो धर्म परिवर्तन गर्नुपरेको थियो तर उनकी बुहारी करिना कपुरले भने मुस्लिम नायक सेफ अली खानलाई विवाह गर्न यस्तो दबाब झेल्नु परेन ।
७. धर्मेन्द्र र हेमा मालिनीः
कुनै बेलाका चर्चित बलिउड जोडी हेमा मालिनी र धर्मेन्द्रले आफूहरु विवाह गर्नका लागि सन् १९७९ मा मुस्लिम धर्म अपनाए । सोले फिल्मको सुटिङको क्रममा हेमा मनपर्दा धर्मेन्द्र विवाहित थिए । हिन्दु धर्मले बहुविवाह सर्मथन नगर्ने भएकाले विवाह गर्नकै लागि हेमा र धर्मेन्द्र दुबैले इस्लाम धर्म अपनाउँदै आफ्नो नाम आइसा बी आर. चक्रवर्ती र दिलावर खान केवल क्रिस्नमा परिवर्तन गरे ।
८. अम्रिता सिंहः
बलिउड नायिका अम्रिता सिंह सिख–मुस्लिम परिवारमा जन्मिएकी थिइन् । उनले सन् १९८३ मा बलिउडमा पाइला टेकेकी हुन् । जन्मिएदेखि सिख धर्म अपनाउँदै आएकी अम्रिताले जन्मजात मुस्लिम नायक सेफ अली खानसँग विवाह गर्नका लागि मुस्लिम धर्म अपनाएको बताइएको छ । विवाहको १३ वर्षपछि सन् २००४ मा यी दुबैको सम्बन्धविच्छेद भयो । सेफकी अहिलेकी श्रीमती करिना कपुर भने इस्लाममा परिवर्तन भएकी छैनन् ।
९. ममता कुलकर्नीः
ड्रग तस्करीमा दोषी पाएपछि ९० को दशकमा बलिउडलाई तताउने ममता कुलकर्नीले इस्लाम धर्म अपनाएकी हुन् ।
१०. आइसा टाकियाः
सन् २००९ मा आइसा टाकियाले प्रेमी फरहान अज्मीसँग विवाह गरिन् । थुपै मिडिया रिपोर्टका अनुसार हिन्दु परिवारमा जन्मिएकी आइसाले विवाहका लागि आफ्नो धर्म परिवर्तन गरेको दाबी गरे । यद्यपी, आइसाले भने यस विषयमा केही बोलेकी छैनन् ।