‘नलसिङगाड आयोजना कम्पनी ढाँचामा निर्माण गरिने’

जाजरकोट । ऊर्जामन्त्री जनार्दन शर्माले सरकारले विस्तृत परियोजना प्रतिवेदन ९डिपिआर० तयार भएको पाँच वर्षभित्र नलसिङगाड जलविद्युत आयोजना निर्माण सम्पन्न गर्ने योजना बनाएको बताएका छन् ।

नलसिङगाड जलविद्युत् आयोजनाद्वारा आज दल्लीमा आयोजित कार्यक्रममा उनले सो आयोजना सरकार, जनता र अन्यको लगानीबाट आयोजना कम्पनी ढाँचामा निर्माण गरिने बताए । विद्युत् उत्पादन तथा आयोजना विकास समिति गठन भइसकेको बताउँदै उनले सो आयोजनालाई राष्ट्रिय गौरवको आयोजनामा समावेशन गर्न पहल गर्ने प्रतिबद्धतासमेत व्यक्त गरेका छन् । ऊर्जामन्त्री शर्माले आजै आयोजनास्थलको स्थलगत निरीक्षणसमेत गरे ।

मुलुकका ९३ वटा जलाशययुक्त आयोजनामध्ये नलसिङगाड उत्कृष्ट भएको सो आयोजनाका कार्यकारी निर्देशक मोतीकुमार कुँवरले बताए । सन् २०१२ को प्रारम्भिक अध्ययनअनुसार ४१० मेगावाट क्षमताको सो आयोजना रु ७३ अर्ब ७३ करोड ९० लाखको लागतमा निर्माण गर्न सकिने उनको भनाइ छ ।

आयोजनाअन्तर्गत सक्ला–१ अँधेरी खोलामा ६ दशमलव ३ वर्ग किलोमिटर क्षेत्रफलमा फैलिएको २०० मिटर अग्लो बाँध निर्माण गरिने छ । बाँधदेखि खगेनकोट गाविसको काँडादल्लीसम्म कुल आठ हजार २१५ मिटर लामो सुरुङ निर्माण गरिने छ ।