नयाँ रेकर्ड बनाउने लक्ष्यसहित सुरु भयो चलचित्र ‘जालो’

काठमाडौ । विश्वकै चलचित्र इतिहासमा नयाँ रेकर्ड बनाउने उद्देश्यले निर्माण हुन लागेको वानसट चलचित्र ‘जालो’ र ‘जालो रिटन्र्स’को काम सुरु भएको छ । बिहिबार मुर्हतसँगै चलचित्रको छायाँकन सुरु भएको हो ।
चलचित्रको कलाकार र प्राबिधिकको उपस्थितीमा बुढानिलकन्ठ मन्दिरमा पुजा गर्दै चलचित्र सुरु गरिएको निर्देशक अराज केसव गिरीले बताए ।
लव , कमेडि , सस्पेन्स थ्रिलर बिषयमा निर्माण हुन लागेको यो चलचित्रको लेखन पनि निर्देशक केशवले नै गरेका हुन् ।
अनुपविक्रम शाही, आशिफ शाह, भानु प्रताप, मेनुका प्रधान, बर्षा सिवाकोटी, प्रकाश श्रेष्ठ, मुक्ताराम आचार्य, भिष्म जोशीको मुख्य भूमिका रहने चलचित्रमा हरी लामाको छायांकन रहनेछ ।
करिब ६० जना कलाकारको अभिनय रहने यस चलचित्र एकै पटक करिब चार घन्टा खिचिने छ । निर्माण बजेत १ करोड माथि बताइएको चलचित्र बर्ष २०७४ को सुरुवातमै प्रदर्शनमा आउने बताइएको छ।