सोलिडारिटी कपः फाइनल प्रवेशका लागि नेपाल र लाओस भिड्दै

काठमाडौँ  ।   कात्तिक २७– मलेसियामा जारी एएफसी सोलिडारिटी कप फुटबल प्रतियोगिताअन्तर्गत फाइनल प्रवेशका लागि अहिले नेपालले लाओससँग प्रतिस्पर्धा गरिरहेको छ ।
मलेसियाको नेगेरी रङ्गशालामा जारी खेलमा सो समाचार तयार पार्दासम्म दुबै टोलीतर्फबाट गोल हुन सकेको छैन ।
नेपाल समूह ए को विजेता हो भने लाअाेस समूह बी को उपविजेता हो ।
तीन टोली सम्मिलित समूह एमा दुई खेल खेलेको नेपालले एक खेलमा जित तथा एक खेलमा गोलरहित बराबरी खेलको थियो ।

नेपालले शनिबार भएको पहिलो खेलमा टिमोर लेस्टेसँग गोलरहित बराबरी खेलेको थियो भने मंगलबार भएको दोस्रो खेलमा बु्रनाईलाई ३–० को फराकिलो गोल अन्तरले पराजित गरेको थियो ।

त्यसैगरी समूह चरणको खेलमा तीन खेल खेलेको लाओसले दुई खेलमा जित तथा एक खेलमा हार बेहोरेको थियो । पहिलो खेलमा श्रीलङ्कालाई २–१ गोलअन्तरले पराजित गरेको थियो भने मकाउसँग ४–१ गोलअन्तरले पराजित भएको थियो ।

समूहचरणको अन्तिम खेलमा भने लाओसले मंगोलियालाई ३–० गोलअन्तरले पराजित गर्दै उपविजेता बन्दै सेमिफाइनलमा आफनो यात्रा तय गरेको थियो ।
सोलिडारिटी कप एएफसीले आफ्ना कमजोर सदस्य राष्ट्रका लागि आयोजना गरेको प्रतियोगिता हो ।