ओप्पो क्यामरा फोन अब २० हजार ४ सय ९० मा

काठमाडौं । उपभोक्ता माझ उत्कृष्ट सेल्फी क्यामेरा तथा अत्याधुनिक प्रविधि सुसज्जित फोनका रुपमा परिचित ओप्पो डिएस प्रालिले आफ्नो स्मार्टफोन मोडल ‘ए३७’को नयाँ मूल्यको घोषणा गरेको छ ।
कम्पनीका अनुसार अब उपभोक्ताले ५ ईञ्च आईपीएस डिस्प्ले सहितको ओप्पो ‘ए३७’ रु. २० हजार ४ सय ९० मा खरिद गर्न सक्नेछन् । कम्पनीले फोनको पछिल्लो मूल्य २२ हजार ६ सय ९० मा रु २ हजार २ सय कटौती गर्दै नयाँ मूल्यमा फोन उपलब्ध गराएको हो ।
५ मेगापिक्सेल क्षमताको फ्रण्ट फेसिङ क्यामेरा सहितको ‘ए३७’मा अटो फोकस सुविधा सहितको ८ मेगा पिक्सेल क्षमताको रियर क्यामेरा उपलब्ध गरिएको छ । फोनमा कम्पनीले २ जीबी ¥याम र १६ जीबी रोमको ब्यवस्था गरेको छ ।
अतिरिक्त सञ्चय क्षमताको आवश्यता परेमा प्रयोगकर्ताले फोनमा एसडी कार्डको माध्यमबाट १ सय २८ जीबी सम्म सञ्चय क्षमता बढाउन सकिने ब्यवस्था गरिएको छ । एण्ड्रोइडमा आधारित कलर ओएस ३.० सहितको फोनमा कम्पनीले २ हजार ६ सय ३० एमएएच क्षमताको ब्याट्री जडान गरेको छ ।