प्रेमीको अपार्टमेन्टमा बसाईं सरिन् श्रद्धा, रिसाएका बुवा शक्ति कपुरले के गरे यस्तो ?

फरहान अख्तर र श्रद्धा कपुरको विषयमा एक पोर्टलले निकै अचम्मको खबर छापेको छ । जसका अनुसार पछिल्लो केही दिनदेखि श्रद्धा फरहानको अपार्टमेन्टमा बसिरहेकी थिइन् जसका कारण श्रद्धाका पिता शक्ति कपुर आफैं फरहानको अपार्टमेन्टमा गएर छोरीलाई जबर्जस्ती फिर्ता ल्याएका छन् ।

जबदेखि फरहान अख्तर श्रीमती अधुना भवनानीसँग अलग्गिएर बसिरहेका छन्, त्यतिबेलादेखि नै उनको नाम विभिन्न को–स्टारसँग जोडिँदै आएको छ ।

‘वजिर’ मा अदिती राव हैदरीसँग नजिकिएपछि फरहान–श्रद्धाको अफेयरको चर्चा हुन थालेको थियो ।

‘रकअन–टु’ मा उनीहरुले पहिलो पटक सँगै काम गरे । फिल्मले राम्रो व्यापार गर्न सकेन तर उनीहरुको सम्बन्ध भने गहिरियो ।

फरहानको अपार्टमेन्टमा बसाईं सरिन् श्रद्धा, तर बुवा बने तगारो

न्यूज पोर्टल स्पटबोइको खबर अनुसार लगभग एक हप्ता पहिले श्रद्धा जुहुस्थित आफ्नो बुवाको घरबाट सामान लिएर फरहानको अपार्टमेन्टमा बसाईं सरेकी थिइन् ।

स्रोतका अनुसार श्रद्धाको यो कदमले दुबै सम्बन्धमा निकै सिरियस भएको अनुमान गर्न सकिन्छ । तर उनीहरु लामो समयसम्म सँगै बस्न पाएनन् ।

उनीहरु बसिरहेको अपार्टमेन्टमा गत आइतबार घरको ढोकाको घण्टी बज्यो तब उनीहरुको ढोकामा शक्ति कपुर र पद्मिनी कोल्हापुरे (श्रद्धाकी फुपु) देखिए ।

शक्तिकी छोरीलाई तत्काल घर फिर्ता हुने आदेश दिइयो । भित्र के के भए, त्यसको विषयमा थप जानकारी नभएको स्रोतले बताएको छ ।

तर केही बेर पछि श्रद्धा आफ्नो गुन्टा बाँधेर बुवा र फुपुसँग घर फिर्ता हुन राजी भइन् ।

जब यी तीनजना अपार्टमेन्टबाट निस्किए तब छिमेकीहरुले उनलाई याद गरे ।

कसैले केही नभनी तीनैजना कारमा बसेर त्यहाँबाट घर फर्किए ।

अहिलसम्म भएको छैन फरहानको सम्बन्धविच्छेदः

२ छोरीका पिता फरहान आफ्नी श्रीमती अधुनासँग अलग्गिएर बस्छन् तर अहिलेसम्म उनीहरुको सम्बन्धविच्छेद भएको छैन ।

१६ वर्ष पुरानो फरहान अधुनाको विवाह सन् २०१६ को सुरुवातमा टुटेको थियो ।

दुबैले एक सूचना जारी गरी आफूहरु अलग्गिएको घोषणा गरेका थिए ।