पर्वत महोत्सवको पूर्वसन्ध्यामा कालीगण्डकी नदी सरसफाइ

पर्वत । पर्वत उद्योग वाणिज्य सङ्घले महोत्सवको प्रचार गर्न कालीगण्डकी नदी सरसफाइ गरेको छ ।

महोत्सवका अवसरमा दैनिकजसो ¥याफ्टिङ (जलयात्रा) समेत व्यवस्था गरिएकाले शनिबार पर्वतको खनियाँघाटदेखि नयाँपुलसम्म सरसफाइ गरिएको हो ।

जिल्लाका सांसद, राजनीतिक दलका प्रमुख, कार्यालय प्रमुखहरु, उद्योगी, व्यवसायी, पत्रकारलगायतको सहभागितामा कालीगण्डकी नदी सरसफाइ तथा डस्टविन राख्ने काम सम्पन्न भएको पर्वत उद्योग वाणिज्य सङ्घले जनाएको छ ।

यही माघ १३ देखि २२ गतेसम्म सञ्चालन हुन लागेको पर्वत महोत्सवको पूर्वसन्ध्यामा शनिबार चारवटा बोटमा ¥याफ्टिङ गरिएको हो ।

पर्वतको नाग्लीवाङस्थित खनियाँघाटदेखि पाङको नयाँ पुलसम्मको झन्डै पाँच किलोमिटर दूरीमा ¥याफ्टिङ गरेर सरसफाइ गरिएको आयोजकले जनाएको छ । लामिछानेका अनुसार चारवटा बोटमा ४५ जनाले ¥याफ्टिङ र सरसफाइमा सहभागिता जनाएका थिए ।
कालीगण्डकी नदीमा असोज पहिलो सातादेखि मङ्सिर दोस्रो साता र फागुन पहिलो सातादेखि जेठको दोस्रो सातासम्म ¥याफ्टिङका लागि सयाँै विदेशी आउने गरेका छन् । पर्वत उद्योग वाणिज्य सङ्घले पर्वतको पर्यटन प्रवद्र्धनको मुख्य केन्द्र नै कालीगण्डकी नदीमा याफ्टिङ भएको भन्दै महोत्सवमा एल्लो स्विसा कम्पनीसँग सम्झौता गरी ¥याफ्टिङको व्यवस्था मिलाएको पर्वत उद्योग वाणिज्य सङ्घका उद्योग उपाध्यक्ष शिव शर्मा पौडेलले जानकारी दिए ।