इटिसीले पाँचसय ५१ शौचालय बनायो

दोलखा । रोटरी क्लब अफ जाउलाखेलको आर्थिक सहयोगमा ‘एजुकेट द चिल्डेन’ (इटिसी)ले दोलखाको उत्तरी गाउँ लापिलाङमा पाँचसय ५१ शौचालय निर्माण गरी मङ्गलबार समुदायलाई हस्तान्तरण गरेको छ ।

रोटरी क्लबले लापिलाङका पाँचसय ५१ घरधुरीलाई सुविधासम्पन्न शौचालयका लागि जस्ता, सिमेन्ट, ट्वाइलेट प्यान, पाइपजडित सातहजार एकसय बराबरको आर्थिक सहयोग गरेको थियो । रोटरीले दोलखाको बाबरेमा सुविधासम्पन्न भूकम्पप्रतिरोधी विद्यालय पनि बनाउने भएको छ ।

शौचालय हस्तान्तरण कार्यक्रममा रोटरीकी डिस्ट्रिक गभर्नर जयराज्यलक्ष्मी शाहले दोलखाको भूकम्पपीडितको अवस्थालाई ध्यानमा राखी थप जीविकोपार्जनसँग सम्बन्धित कार्यक्रम सञ्चालन गर्न तयार भएको बताए ।