आठ वर्ष देखि डाक्टर वेपता

जाजरकोट । एकदिन कुनै कर्मचारी कार्यालय आएनन भने सेवाग्राही कति मर्कामा पर्छ होला ? तर जाजरकोटको जिल्ला अस्पतालमा कार्यरत स्वास्थ्य सहायक डाक्टर धनिकलाल यादव ८ वर्षदेखि सम्पर्कविहीन छन् । उनको धेरैपटक खोजी भएपनि उनी सम्पर्कमा नआउँदा समस्य भएको अस्पतालले वताएको छ ।

‘सप्तरी घर भएका छैठांै तहका स्वास्थ्य सहायक यादव २०६५ देखि अस्पतालको सम्पर्कमा आएका छैन् । वषौदेखी न उनलाई कारवाई हुन्छ न त सम्पर्कमा आउँछन् अनाआवयक दरवन्दी आगटेर वसेका छन्’ जिल्ला स्वास्थ्य प्रमूख धिरजंग शाहले वताए ।

जिल्ला स्वास्थ्य कार्यालयले ‘उनलाई कारबाही र सरुवाका लागी धेरै पटक ताकेता गरेपनि कुनै सुनुवाई भएको छैन् ।

उनलाई हाजिर हुन आउनेबारे घर ठेगानामा पटक–पटक ताकेता गर्दा पनि नआएपछि ४ पटक गोरखापत्रमा सार्वजनिक सूचनासमेत प्रकाशित गरिसकिएको छ ।

यादवलाई कानुनी अड्चनले कारबाही हुन नसकेको प्रमुख शाहको भनाई छ । यादवलाई अन्य कुनै कारबाही नभएपनि ८ वर्षयताको तलब भने नखुवाएको उनको भनाई छ । ‘यादवलाई कारबाही वा सरुवा गरेर अर्को स्वास्थ्यकर्मी पठाउन सम्बन्धित निकायमा माग गरेका छौं,’ उनले भने ।

डाक्टर यादवले कारबाही भोग्दा सेवा सुविधा नपाइने भन्दै राजीनामा स्वीकृत गराउन शक्तिकेन्द्र धाउने गरेको अस्पताल स्रोतले जनाएको छ ।