प्रकाशित मिति : शनिबार, माघ १५, २०७३
रत्ननगर नगरपालिका–१९ स्थित जनकौली वनमा घाँस काट्न जानेक्रममा गैंडाले आक्रमण गर्दा स्थानीय ३५ वर्षीय लक्ष्मी श्रेष्ठको मृत्यु भएको जिल्ला प्रहरी कार्यालय चितवनले जनाएको छ ।
शनिबार दिउँसो करिब १.३० बजे स्थानीय सामुदायिक वनभित्र गैंडाले उनलाई आक्रमण गरेको र उनको घटनास्थलमै मृत्यु भएको प्रहरीचौकी बछौलीका प्रहरी नायब निरीक्षक दुर्गा कुँवरले जानकारी दिए ।
शवको मुचुल्का उठाउन प्रहरी टोली जंगल पुगेको उनले बताए । पाँचजनाको समूहमा घाँस काट्न गएकाबेला उक्त घटना भएको र एकजना सामान्य घाइते भएपनि अरु सकुशल रहेको ।प्रहरीले जनाएको छ
चितवनको निकुञ्जस्थित मध्यवर्ती क्षेत्रमा वन्यजन्तुको आक्रमणबाट धनजनको क्षति हुँदै आएको छ ।
अघिल्लो महिनामा पनि चितवनको माडी र सौराहामा हात्तीको आक्रणबाट दुईजनाको मृत्यु भएको थियो ।
© copyright 2016-2019 and all right reserved to jaljalakhabar | Site By : sobij
