प्रकाशित मिति : मङ्लबार, माघ १८, २०७३
रुकुम । क्यान्सर रोगका कारण रुकुममा एक जनाको मृत्यु भएको छ ।
जिल्लाको भलाक्चा–४ कि ४० वर्षीया धनमाया बुढाको क्यान्सरका कारण मृत्यु भएको आफन्तले जानकारी दिएका छन् । दुई महिनादेखि पेटको क्यान्सरबाट पीडित बुढाको आइतबार साँझ मृत्यु भएको हो ।
आर्थिक अभाव हुँदा पेटमा क्यान्सर भएपनि उनको उपचार हुन सकेको थिएन । उपचार गराउने पैसा नभएपछि आफन्तले गाउँमा धामीझाँक्री लगाएको मृतकका श्रीमान् देवीराम बुढाले जानकारी दिए ।
उपचारको लागि सहयोग माग्दै जिल्लाका सबै ठाउँमा पुगेपनि कसैले सहयोग नगर्दा श्रीमतीको मृत्यु भएको देवीरामले गुनासो गरे ।
देविराम पनि प्यारालाइसिसबाट पीडित छन् । आमाको मृत्यु र बुबा प्यारालाइसिसबाट पीडित भएपछि चार छोराछोरी बिचल्लीमा परेका छन् ।
© copyright 2016-2019 and all right reserved to jaljalakhabar | Site By : sobij
