आज विश्व क्यान्सर दिवस, विभिन्न कार्यक्रम गरी मनाइँदै

काठमाडौं । आज विश्व क्यान्सर दिवस । ‘म सक्छु, हामी सक्छौं’ भन्ने मूल नाराका साथ नेपालमा पनि विभिन्न जनचेतनामूलक कार्यक्रम गरेर मनाईदैछ ।
क्यान्सर रोगीको संख्या बढ्दै गईरहेका बेला यसको रोकथामको उपायको खोजी गर्दै नेपालमा पनि विभिन्न जनचेतनामूलक कार्यक्रम आयोजना गरी वर्षेनी विश्व क्यान्सर दिवस मनाउने गरिएको छ ।
यसै अवसर पारेर सरकारले क्यान्सर रोग निवारणका लागि विशेष कार्यक्रम ल्याउने घोषणा पनि गर्दै आएको छ ।
क्यान्सर दिवसकै अवसर पारेर काठमाडौंमा शनिवार विहान साईकल र्याली निकालिएको छ । क्यान्सर विरुद्धको जनचेतना जगाउने उद्देश्यका साथ साईकल ¥याली निकालिएको हो ।
साईकल ¥यालीमा सहभागीहरुले क्यान्सर रोग लाग्नै नदिन सचेत रहन पनि सबैमा अपिल गरेका छन । नेपालमा वर्षेनी १५ हजार क्यान्सर रोगको कारण मृत्यु हुने गरेको सरकारी तथ्यांक छ ।
नेपालमा सबै भन्दा बढि फोक्सोको क्यान्सरको रोगी रहेको चिकित्सकहरुले बताएका छन । उनीहरुले खानपान र वातावरणको उचित ध्यान दिन नसक्दा यो रोग लागेका विरामीको संख्या बढदै गएको पनि स्पष्ट पारेका छन ।
ध्रुमपान, मध्यपान नगरे तथा चिल्लो खानेकुरा नखाई दैनिक व्यायाम गरे क्यान्सरको जोखिम कम हुने चिकित्सकहरुले बताएका छन । खानपानमा ध्यान पु¥याउन सके मात्रै पनि क्यान्सर लाग्ने जोखिम ४० प्रतिशतले कम गर्न सकिने विश्व स्वास्थ्य संगठनले जनाएको छ ।