यो कुरामा आमिरभन्दा पछाडी छन् सलमान र शाहरुख

आमिर खान, सलमान खान तथा शाहरुख खान बलिउडका वक्सअफिस पावर हाउस हुन् । वक्सअफिसमा यी तीन खानको फिल्मको प्रदर्शनलाई लिएर सर्वाधिक चर्चा रहने गर्छ ।

यीनै खानमध्येका आमिरले आफ्ना दुई प्रतिष्पर्दी अभिनेता सलमान र शाहरूखलाई कमाइका हिसाबले डायस्पोरामा पछाडी पारेका छन् । विदेशमा उनको फिल्मको कमाई सलमान र शाहरुखका फिल्मभन्दा धेरै रहेको छ ।

पाँच वर्ष अगाडीसम्म विददेशी बजारमा शाहरुख खान सबैभन्दा अगाडी थिए तर हाल अवस्था बदलिएको छ । वर्तामानमा आमिर विदेशी बजारबाट सबैभन्दा बढी पैसा कमाउने बलिउड अभिनेता बनेका छन् ।

पहिला विदेशबाट शाहरूखका फिल्मले ५० देखी ६५ करोड भारूसम्मको पैसा संकलन गर्थे । सिनेमाघर त था बढ्दो बलिउड फिल्मका दर्शकसँगै सो दृश्यमा परिवर्तन आइसकेको छ । आमिरको ‘थ्री इडियट्स’ र सलमानको ‘बडीगार्ड’ले विदेशी बजारको खेल बदलिदियो ।

विदेशी बजारमा दर्शकहरूको चाप हेर्ने हो भने आमिरको ‘दंगल’लाई ४.५ करोड मानिसले हेरे भने सलमानको ‘सुल्तान’लाई ४ करोड तथा शाहरूखको हालै रिलिज भएको ‘रईश’लाफ २ करोड दर्शकले हेरे । यसबाट आमिरको बलिउड डायस्पोरा बजारको बढ्दो बजारलाई देखाउँछ ।

आमिर लामोसमयदेखी दर्शकहरू विदेशी बजारमा बढाउन सफल हुँदै गइरहेका छन् । उनका फिल्महरू त्यहाँ ६ देखी ७ हप्तासँग नियमित प्रदर्शन हुने गरेका छन् । आमिरको यो बढोत्तरी कायम रहँदा शाहरूखका फिल्महरू २-३ हप्ता र सलमानका फिल्म ४-५ हप्तामा हलबाट उत्रने गरेको तथ्य देखिएको छ ।

शाहरूखको ‘रईश’ले विदेशी बजारबाट १५० करोड कमाउने देखिएको छ जबकी आमिरको ‘दंगल’ यसभन्दा धेरै अगाडी रहेको छ । यसरी विदेशमा शाहरूखको फिल्मको सलमान र आमिरको दाँजोमा प्रभाव अपेक्षितरूपले नबढ्नुमा शाहरूखको फिल्म छनौटमा त्रुटि र सँधै एकैखाले फिल्म खेलिरहनु रहेको बलिउड फिल्म व्यापार पंडितहरूको रहेको छ ।

तालिकामा हेर्नुस कसरी छन् आमिर सलमान र शाहरूख भन्दा अगाडी