बालाजुको गंगाहल अगाडि दुर्घटना, स्कुटरमा सवार दुई महिलाको मृत्यु

काठमाडौं । बालाजुको गंगाहल अगाडी सवारी दुर्घटना हुँदा दुई महिलाको मृत्यु भएको छ ।
गंगाहल स्थित सडकमा शुक्रबार ना.५ ख ८४६५ नंबरको ट्रकले बा.७७ प ३२०८ नंबरको स्कुटरलाई ठक्कर दिँदा घाईते भएका स्कुटर चालक मकवानपुर मनहरी घर भएकी ३८ बर्षीया रिना कुमारी राईको उपचारार्थ लैजाने क्रममा बाटोमै मृत्यु भएको हो ।
साथै घाईते भएकी स्कुटर पछाडी सवार धादिङ्ग घर भएकी ३० बर्षीया सोनिया थापाको शिक्षण अस्पताल महाराजगंजमा उपचारको क्रममा मृत्यु भएको छ । ट्रक चालक फरार रहेकोले खोनी भईरहेको प्रहरीले जनाएको छ ।

यसैबिच तनहुँको शुक्ला गण्डकी नगरपालिका–१६ सिम्ले बस्ने ५३ बर्षीय चेत बहादुर भुजेललाई शिशाको छर्रा लोड गरेको भरुवा बन्दुक सहित प्रहरीले शुक्रबार पक्राउ गरेको छ ।

उनलाई सोही स्थान स्थित सामुदायिक जंगलतर्फ भरुवा बन्दुक बोकी हिडी रहेको अवस्थामा प्रहरीले फेला पारी नियन्त्रणमा लिएको थियो ।