झापाली समाज युएईको एकता तथा बनभोज

युएई । झापाली समाज युएईले दुवईको रमणीय पार्कमा दुई झापाली समाजबीच एकता घोषणासहित वनभोज सम्पन्न भएको छ । २५ फेव्रुअरीमा भएको वनभोज कार्यक्रममा सयौं झापालीहरुको उपस्थिती रहेको थियो । एकता कार्यक्रममा युएईका टाढाटाढाका क्षेत्रबाट समेत सहभागी भएका झापालीहरूबीच विभिन्न प्रतिष्पर्धात्मक खेलहरु समेत आयोजना गरियो ।
एनआरएन युएईका युथ कोअर्डिनेटर निश्चल तिर्थ दाहालको प्रमुख आतिथ्यतामा भएको कार्यक्रममा समाजका निवर्तमान अध्यक्ष मोहन शिवाकोटी, प्रवासी नेपाली मंच युएईका रास्ट्रिय कमिटी सचिव कृष्ण पौडेल, नेपाली समाज युएईका अध्यक्ष चन्द्रप्रसाद सापकोटा, जनप्रगतिशिल मंच युएईका अध्यक्ष हेमन्त पौडेल, नेपाली बिजनेस काउन्सिल युएईका एकेन्द्र थापा लगायत अन्य संघ संस्थाका प्रतिनिधीहरुको समेत उपस्थिती रहेको थियो ।

कार्यक्रममा प्रमुख अतिथी निश्चल तिर्थ दाहालले झापाली समाज युएई अब नयाँ तरिकाले अघि बढ्ने भन्दै झापाली समाजले गरेका कार्यहरु प्रशंसा गर्नयोग्य रहेको र एकतालाई भावनात्मक रुपमा समेत सँगै लिएर अगाडि बढ्न समाजका अगुवालाई आग्रह गरे ।

एकता, सहयोग र सहकार्यको मुल उदेश्य लिएर करिब २ बर्ष पहिले स्थापना भएको झापाली समाज युएई स्थापना भएको एक बर्ष नबित्दै फुटेको थियो । विकास उप्रेती अध्यक्ष रहेको झापाली समाज युएई र रोहित भण्डारी अध्यक्ष रहेको झापाली समाज युएईबीच एकिकरण भएको हो ।