पाकिस्तान एयरलाइन्सको विमानमा ७ यात्रीले उभिएरै गरे यात्रा!

पाकिस्तान एयरलाइन्स (पीआईए) विमानले सात यात्रीलाई सिट बिना नै यात्रा गराएको खबर सार्वजनिक भएको छ ।

मिडिया स्रोतका अनुसार गत जनवरी २० तारिखमा एक एयरलाइन्सले साउदी अरबको फ्लाइट पूर्ण रुपले बुकिङ भएपश्चात् पनि अन्य सात यात्रीलाई उभाएरै यात्रा गराएको छ ।

उक्त फ्लाइट पाकिस्तानको कराँचीबाट साउदी अरबको मदिना जाँदै थियो र एयरलाइन्सद्वारा दिएको जानकारी अनुसार सबै सिट भरिएको थियो । यसको जानकारी एयरलाइन्सका प्रवक्ताले एक मिडियालाई जानकारी दिए ।

File photo

जिन्यूज इन्डियाका अनुसार उक्त फ्लाइटमा यात्रा गर्नका लागि यात्रीहरुको हाथबाट लेखिएको बोर्डिङ पास दिइएको थियो । फ्लाइटमा अतिरिक्त यात्री राखेर यात्रा गर्नु निकै खतरनाक मानिन्छ किनभने यस्तोमा क्षमताभन्दा धेरै यात्रीका कारण अवान्छित घटना घटित हुने आशंका बढ्ने गर्दछ ।

आपतकालीन स्थितीमा पाकिस्तान एयरलाइन्सको यो फ्लाइटमा पर्याप्त अक्सिजन र सेफ्टी डिभाइस पनि नभएको जानकारीमा बताइएको छ ।

४ सय ९ यात्रीको क्षमता रहेको यो फ्लाइटमा जम्मा ४ सय १६ यात्री सवार थिए । फ्लाइटका क्याप्टेन अनवर आदिललाई पनि उडान भरेपछिमात्र अतिरिक्त यात्रीबारे बताइएको स्रोतले जानकारी दिएको छ । उनले डन पत्रिकासँग कुराकानी गर्दै उनले उडान भर्नुपूर्व यसबारे आफूलाई जानकारी नदिइएको बताए ।