दलीय झगडाले उपभोक्ता समिति वनेन

जाजरकोट । जाजरकोटको खगेनकोट गाविस वडानम्बर ५ र ६ का स्थानीयका लागि वर्षौपछि खानेपानी योजना स्वीकृत भएपनि दलीय झगडाले ती योजना प्रभावित हुने भएका छन् । हालै जिल्ला खानेपानी तथा सरसफाई सव डिभिजन कार्यालयले ति योजनाबारे गाविसलाई लिखित पत्र पठाएपछि उपभोक्ता समिति गठनका लागि भएको तीन दिनको प्रयास असफल भएपछि योजना प्रभावित हुने खतरा बढेको स्थानीयको भनाई छ ।

ठुला तीन दलका कार्यकर्ताले आफै उपभोक्ता समितिको अध्यक्ष वन्ने अडान राखेपछि उपभोक्ता समिति गठन हुन नसकेको हो । समिति गठन गर्न ३ दिनको प्रयास खेर गएको गाविस कर्मचारी लोकेन्द्र केसीले बताए । त्यस्तै जिल्लाको लहँ, सक्ला, नायकवाडा, झार्पा लगाएतका गाविसमा पनि उपभोक्ता समिति गठनमा विवाद भएको जिल्ला विकास समितिले जनाएको छ । उपभोक्ता समितिमा आफ्नो दलको मात्र वर्चश्व हुनुपर्ने दलीय झगडाले अधिकांश ठाउँमा समयमै काम नभएको भन्दै पुर्व गृहमन्त्री शक्तिवहादुर वस्नेतले केहि दिनअघि एक कार्यक्रममा असन्तुष्टि व्यक्त गरेका थिए ।

जिल्लाका अधिकांश ठाउँमा उपभोक्ता समिति गठनमै महिनौ लगाउने , उपभोक्ता समिति गठन भएपनि काममा गुणस्तर नहुँने समस्याले गर्दा वजेट त्यतैकै खेर गएको स्थानीयहरु वताउँछन् । दलिय भागवण्डावाट नियूक्त भएको उपभोक्ता समिति काम भन्दा पनि कमिसनमा वढी सक्रिया हुँने गरेको स्थानीयको आरोप छ ।