बसको ठक्करले मोटरसाइकल चालकको मृत्यू

सिरहा । पूर्व पश्चिम सडक अन्तर्गत सिरहाको गोलबजारमा यात्रुबाहक बसले मोटरसाइकललाई ठक्कर दिंदा आज एक युवकको मृत्यु भएको छ ।
इलाका प्रहरी कार्यालय गोलबजारका प्रहरी निरीक्षक राजेन्द्रकु्मार उपाध्यायका अनुसार मृत्यु हुनेमा सिरहाको देवीपुर गा.वि.स. ९ का ३० वर्षका सुरेन्द्र महतो रहेका छन् ।

दिउँसो करिब २ बजेतिर पूर्व पश्चिम सडक अन्तर्गत गोलबजार खण्डमा सिरहाको माडरबाट बिराटनगरतिर आउँदै गरेको ना.४ ख १४६० नं. को बसले विपरीत दिशामा रहेको स.५प ७२३४ नं. को मोटरसाइकललाई ठक्कर दिंदा गम्भिर घाइते भएका महतोलाई उपचारका लागि लहानस्थित रामकुमार शारडा उमाप्रसाद मुरारका स्मारक अस्पताल ल्याइएको थियो ।

बसको ठक्करले अत्यधिक रक्तश्राव भएका महतोलाई उपचारकै क्रममा पौने ३ बजेतिर चिकित्सकले मृत घोषणा गरेको प्रहरी निरीक्षक उपाध्यायले बताए ।