प्रकाशित मिति : आइतवार, फाल्गुन २२, २०७३
पाँचथर । पाँचथरमा माछा मार्ने क्रममा दुई युवाको मृत्यु भएको छ । माछा मार्ने क्रममा एक जनाको नदीमा डुवेर र अर्काको करेण्ट लागेर मृत्यु भएको हो ।
जिल्लाको अमरपुर–९ मा तमोर नदीमा माछा मार्ने शनिवार साँझ क्रममा स्थानीय १७ बर्षीय विजय लिम्बूको नदीमा डुवेर मृत्यु भएको छ ।
यस्तै शनिवार राती साढे ११ बजे हेवा खोलामा पानीमा करेण्ट लगाई माछा मार्ने क्रममा बर्दियाको कालिका गाविस वडा नं. ४ घर भई हेवाखोला ‘वी’ जलविद्युत आयोजनामा कार्यरत २५ बर्षीय सन्देश थारुको मृत्यु भएको छ ।
करेण्ट लागेर सख्त घाइते भएका उनको उपचारका लागि पाँचथर जिल्ला अस्पताल ल्याउने क्रममा बाटैमा मृत्यु भएको जिल्ला प्रहरी कार्यालय पाँचथरका प्रहरी निरीक्षक विज्ञान बस्नेतले जानकारी दिए ।
© copyright 2016-2019 and all right reserved to jaljalakhabar | Site By : sobij
