यसरी मनाइदैछ अन्तराष्ट्रिय महिला दिवस

काठमाडौ । १ सय ७ औं अन्तराष्ट्रिय महिला दिवस, नेपालमा पनि विभिन्न कार्यक्रम गरी मनाईदैछ । अन्तराष्ट्रिय महिला दिवसकै अवसर पारेर बुधबार विहान काठमाडौंैमा विशाल ¥याली निकालियो ।
महिला, बालबालिका तथा समाज कल्याण मन्त्रालयको आह्वानमा निकालिएको ¥यालीमा महिला अधिकारीवादी विभिन्न संंघ÷संस्थाहरुको उल्लेख्य सहभागिता रहेको थियो । सरकारले यस वर्षको अन्तराष्ट्रिय महिला दिवसमा महिलाहरुलाई कसरी रोजगारीसँग जोड्न सकिन्छ भन्ने विषयमा जोड दिइएको उल्लेख गरिएको छ ।
महिला, बालबालिका तथा समाज कल्याण मन्त्रालयले यस वर्षको अन्तराष्ट्रिय महिला दिवसको नारा बदलिँदो परिवेशमा कामकाजी महिलाः सन् २०३० सम्म बराबरी पाईला र महिला सम्मानको आधारः सीपयुक्त हात र स्वरोजगार भन्ने नारा तय गरेको छ ।
यसै अवसरमा सरकारले सार्वजनिक विदा समेत दिएको छ । नेपालमा महिला सशक्तिकरणको नाममा सीप दिने काम विगतमा भएपनि त्यसलाई रोजगारीसँग जोड्ने काम नभएकाले यस वर्षको महिला दिवसले रोजगारीलाई मुख्य प्राथमिकता दिएको महिला, बालबालिका तथा समाज कल्याण मन्त्री कुमार खड्काले बताए ।

अन्तर्राष्ट्रिय महिला दिवस : राजधानीमा १०७बmउस औँ अन्तर्राष्ट्रिय महिला दिवसको अवसरमा बुधबार आयोजित प्रभातफेरीका सहभागी । तस्बिर : रोशन सापकोटा, रासस

यसैबीच, सरकारले अन्तराष्ट्रिय महिला दिवसकै अवसर पारेर मंगलबार कपिलबस्तुबाट महिला उत्थान कार्यक्रमको शुभारम्भ पनि गरेको छ । राष्ट्रपति विद्या भण्डारीले शुभारम्भ गरेको महिला उत्थान कार्यक्रमले देशभरका महिलाहरुलाई आर्थिक रुपमा सम्पन्न गराउने भन्नेमा सरकारले विश्वास लिएको छ ।
यसै अवसरमा काठमाडौंमा वृहत कार्यक्रमको पनि आयोजना गरिएको छ । अन्तराष्ट्रिय महिला दिवसको अवसर पारेर राष्ट्रपति विद्या भण्डारी, प्रधानमन्त्री पुष्पकमल दाहालले दिनु भएको शुभकामना सन्देशमा सबै नेपाली महिलाहरुको सुःख, शान्ति र समृद्धिको कामना गरिएको छ ।