मीरा राजपुतकी सहपाठीले खोलिन् उनको पोलः उनले दिएको बयानमा यसरी चलाइन् शब्दवाण

नारीवादमा दिइएको एक बयानको विषयमा मीरा राजपूतले निकै आलोचना झेल्नु परिरहेको छ । बलिउड अभिनेता शाहिद कपुरकी श्रीमती मीरा राजपुतले केहि समय पहिले गृहिणी र कामकाजी महिलाको बारेमा निकै विवादास्पद बयान दिएकी थिइन् ।

उनले भनेकी थिइन्, ‘मेरो गर्भावस्था निकै कठिन रह्यो । छोरीलाई जन्म दिनका लागि मैले ५ महिना निकै संधर्ष गर्नुपर्यो । त्यसकारण अहिले म आफ्नो सबै समय मेरी छोरीलाई दिन चाहन्छु । मलाई लाग्छ, ममाथि निकै ठूलो जिम्मेवारी छ र यो उमेरमा म निकै ऊर्जावान् छु । म अगाडि मेरो भविष्य छ । म मेरी छोरीलाई हुर्काउन सक्छु । म एक असल श्रीमती बन्न सक्छु । त्यसपछि मलाई केही कुराले पनि रोक्न सक्दैन । मलाई घरमा हुन निकै मनपर्छ । म मेरो सन्तानको आमा हुन पाउँदा खुसी छु । म दिनमा एक घण्टा उनीसँग बिताएर कामको लागि दौडन चाहन्नँ । यसो गर्ने हो भने मैले किन उसलाई जन्माउने ? उनी कुनै पप्पी (कुकुर) होइन । म उनको अगाडि एक आमाको रुपमा उनको सधैं अगाडि हुन चाहन्छु ।’

उनका यी अभिव्यक्तिमाथि उनकै सहपाठीले तिखो हमला गरेकी छिन् ।

डेक्कन क्रोनिकल्सले बताए अनुसार उनीसँगै पढ्ने उनकी साथीले आफ्नो फेसबुक अकाउन्टमा स्टेटस पोष्ट गरेर मीरालाई छोटो सोच भएकी महिलाको रुपमा वर्णन गरेकी छिन् । आफ्नो पोष्टमा उनले लेखिन्ः

डियर मीरा,

तिम्रो अन्तर्वार्ता हेरें । मलाई निक्कै रिस उठ्यो । मैले तिम्रो कलेज र तिम्रै ब्याचमा तीन वर्ष बिताएँ र म आज निकै आत्मविश्वासका साथ भन्न सक्छु कि तिम्रो महिलावादी सोच निकै खराब छ । तिमी कलेजमा आफ्नो ग्रुपसँग घुम्थ्यौ र जो तिम्रो फेसन स्ट्यान्डर्डसँग मेल खाँदैनथें तिमी ती युवतीलाई निच देख्थ्यौ । यसले तिम्रो छोटो सोचलाई देखाउँछ । कामकाजी महिलामाथि दिईको बयानले हामीलाई ती वर्षहरुमा लैजान्छ जहाँ वास्तविक सशक्तिकरण थियो जसबारे तिमीलाई केही थाहा छैन ।

सबै रोषसहित,

एक अवगत महिलावादी