प्रकाशित मिति : शुक्रबार, चैत्र ११, २०७३
काठमाडौँ । काठमाडौँबाट प्युठानको स्वर्गद्वारी दर्शनका लागि गएको स्कार्पियो गाडी स्वर्गद्वारी नजिकै शुक्रबार बिहान दुर्घटना भएको छ ।
स्थानीय शिक्षक दुर्गा भुषालका अनुसार गाडी सडकबाट २ सयमिटर तल खसेको छ । दुर्घटना स्थल स्वर्गद्वारीबाट करिब ३ किलोमिटर तल रहेको छ ।
‘गाडी क्षतविक्षत भएको छ,’ उनले भने, ‘सडकबाट निकै तल खसेको छ गाडी । हामी उद्धारको प्रयासमा छौँ ।’
प्रमुख जिल्ला अधिकारी यदुनाथ पौडेलका अनुसार बा ८ च १५६१ नम्बरको गाडीमा ९ जना सवार थिए । दुर्घटनामा ६ जनाको मृत्यु भएको र तीन जना घाइते रहेको प्रहरीलाई उद्धृत गर्दै पौडेलले बताए ।
घाइते मध्ये २ जना महिला र सवारी चालक रहेका छन् ।
मृत्यु हुनेको सनाखत हुन सकेको छैन ।
© copyright 2016-2019 and all right reserved to jaljalakhabar | Site By : sobij
