ग्रानाडामाथि सहज जित निकाल्दै बार्सामाथि रियलको दबाब

एजेन्सी

म्याड्रिड । ग्रानाडामाथि सहज निकाल्दै रियल म्याड्रिडले शीर्ष स्थानमा रहेको बार्सिलोनासँग अंक बराबरी गरेको छ ।

स्टार खेलाडी क्रिस्टियानो रोनाल्डो र गेराथ बेल बिना नै टोलीमा ९ वटा परिवर्तन गर्दै मैदानमा उत्रेको रियलले ३५ मिनेट भित्र नै चार गोल गरेको थियो ।

हामेज रोड्रिगेजले खेलको तेस्रो मिनेटमा नै लुकास भाजक्वेजको पासमा गोल गर्दै रियललाई अग्रता दिलाए भने लगत्तै अर्को गोल गर्दै रियलको अग्रता दोब्बर बनाए ।

त्यसपछि अल्भारो मोराटाले दुई गोल गर्दै रियललाई सहज जित दिलाए ।

यसअघि भिल्लेरियलाई ४–१ गोलले पराजित गर्दै बार्सिलोनाले शीर्ष स्थानमा तीन अंकको अग्रता बनाएको थियो ।

ला लिगामा दुई खेल बाँकी छँदा बार्सिलोना हेड टु हेडको आधारमा रियलभन्दा अघि रहेको छ ।

तर, पछिल्ला ५ सिजनमा पहिलो लिग उपाधि जित्ने दाउमा रहेको जिनेदिन जिदानको टोलीले एक खेल कम खेलेको छ ।

जिदानले च्याम्पियन्स लिगको सेमिफाइनलमा एथ्लेटिको म्याड्रिडलाई ३–० ले हराउँदा उतारेको टोलीमा ९ वटा परिवर्तन गरे पनि रियल १० मिनेटमा नै २–० ले अघि बढेको थियो ।

रियलले अझै धेरै गोल गर्न सक्थ्यो तर भाज्क्वेज र डानिलोको प्रहार पोष्टमा लाग्यो भने कासिमेरोले गोल गर्ने खुला अवसर पाउँदा पनि गोल गर्न सकेनन् ।

ग्रानाडा यसअघि नै रेलिगेसनमा परिसकेको छ ।