तस्बिर : एजेन्सी
वैशाख ३०, २०७४- राइजनिङ पुने सुपर जायन्ट्सले इन्डियन प्रिमियर लिगमा प्ले अफ सम्भावनाका लागि अझै कुर्नु पर्ने भएको छ । शुक्रबार राति दिल्ली डेयर डेभल्सको हातबाट सात रनले पराजित भएपछि यस्तो भएको हो ।
पुने १६ अंकसहित तेस्रो स्थानमा छ । दिल्ली भने यसअघि नै प्ले सम्भावनाबाट बाहिरिसकेको छ । पहिले ब्याटिङ गरेको दिल्लीले २० ओभरमा आठ विकेट गुमाएर १ सय ६८ रन बनायो ।
त्यसमा करुन नायरले सर्वाधिक ६४ रन बनाए । जवाफमा पुनेले २० ओभरमा सात विकेट गुमाएर १ सय ६१ रन मात्र बनाउन सक्यो । पुनेका लागि मनोज तिवारीले ६० रनको योगदान दिए ।
