घुनजस्तो सानो किराले टोक्दा यती ठूलो घाउ ?

एक अष्ट्रेलियाली किशोरको खुट्टामा केही निक्कै साना समुन्द्री किराले टोक्यो जसका कारण उनका दुबै खुट्टा रगताम्मे भए । उनको अस्पतालमा उपचार भइरहेको छ ।

चेतावनीः यहाँ घाउको तस्बिर छ ।

‘सुई लगाएको जस्तो पीडा’

एक फुटबल खेलपछि १६ वर्षका स्याम क्यानिजाय मेलबर्नमा आफ्नो घर नजिकैको ब्राइट बीचमा पुगेका थिए । त्यहाँ आधा घण्टासम्म उनले आफ्नो खुट्टा पानीमा डुबाइराखेका थिए ।

बीबीसीसँगको कुराकानीमा स्यामले खुट्टामा सुई लगाएको जस्ता पीडा भएको बताए । खासै ठूलो केही नभएको सोचेर उनले वास्ता गरेनन् तर एकैछिनपछि आफ्नो खुट्टा रगताम्मे भएको पाए ।

उनले भने, ‘निकै बेरदेखि रगत बगिरहेको थियो र त्यो धेरैबेरसम्म रोकिएन ।’

स्यामका पिता जेरड केनिजायले बीबीसीसँगको कुराकानीमा भने, ‘जब छोरा घरमा आयो तब कुनै युद्धमा घाइते भएर फर्किएको स्थितीमा थियो । ग्रेनेड हमला भएको झैं भयो । निकै रगत बगिरहेको थियो ।’

आखिर कुन किराले टोकेर यस्तो भयो ? यसबारे जानकारी लिनका लागि परिवार जानकारको मद्दत लिइरहेको छ ताकि उपचार सहज हुन सकोस् ।

स्यामको खुट्टामा यस्ता घाउ थिए जुसमा अनगिन्ती सुई लगाइएको जस्तो थियो । दुई स्थानीय अस्पतालमा जब घाउको पहिचान हुन सकेन तब जेराड आफैं ती समुन्द्र तटमा गए ।

उनले भने, ‘म पानीमा उभिएँ र ती अचम्मका किरालाई एउटा जालमा फसाएर त्यसै ठाउँबाट जम्मा गरें । हज्जारौंको संख्यामा ती किरालाई मैले विशेषज्ञलाई पठाएको छु ।’

उनले भने, हामी विशेषज्ञको विचारको प्रतिक्षामा छौं । यो कस्तो किरा हो, कस्तो व्यवहार गर्छ, यस्तो घाउ कसरी हुन्छ भन्ने बारे अनुसन्धान भइरहेको छ ।’