बार्सिलोनाले लालिगा २०१७/१८ सिजनको आफ्नो पहिलो खेलमा विजयी सुरुवात गरेको छ। नेइमारले छोडेपछि केही कमजोर देखिएको बार्सिलोनाले आइतबार लुइस स्वारेज बिना उत्रिए पनि रियल बेटिसलाई २–०ले हराउँदै सहज जित निकालेको हो।
खेलको ३६ औ मिनेटमा डेउलोफेउले दिएको क्रसलाई लियोनल मेसीले फाइनल टच दिए पनि रियल बेटिसका डिफेन्डर एलिन टोस्काको खुट्टामा लागेर पहिलो गोल हुन पुग्यो । त्यस्तै खेलको ३९ औं मिनेटमा सर्जी रोबर्टोले बार्सिलोनाका लागि दोस्रो गोल गरेका थिए ।
