प्रकाशित मिति : शनिबार, भदौ १०, २०७४
संयुक्त राष्ट्र संघलगायत शक्तिशाली देशले गरेको आग्रहको वेवास्ता गर्दै उत्तर कोरियाले लगातार क्षेप्यास्त्र परिक्षण गरिरहेको हो ।
दक्षिण कोरियाली सेनाले उत्तर कोरियाले पूर्वी समुद्रमा थुप्रै क्षेप्यास्त्र परीक्षण गरेको देखिएको जनाएको छ ।
दक्षिण कोरियाली अधिकारीहरुका अनुसार उत्तर कोरियाको ग्याङवान प्रान्तबाट प्रहार गरिएको क्षेप्यास्त्रले करिब २५० किलोमिटरको दूरी तय गरेको थियो ।
स्थानीय समय अनुसार शनिबार बिहान ६ बजेर ४९ मिनेट जाँदा क्षेप्यास्त्र परीक्षण गरिएको दक्षिण कोरियाली सेनाले जनाएको छ ।
अमेरिकी प्यासिफिक कमाण्डले भने पहिलो र तेस्रो क्षेप्यास्त्र उडानमा विफल भएको र दोस्रो क्षेप्यास्त्र परीक्षणपछि विस्फोट भएको जनाएको छ ।
आधा घण्टाभित्रै ती क्षेप्यास्त्र परिक्षण गरिएको हो । उसले उत्तर कोरियाद्वारा गरिएको परीक्षणबाट गुआम टापुलाई कुनै खतरा नरहेको बताएको छ ।
गत महिना अन्तरमहादेशीय क्षेप्यास्त्र परीक्षण गरेपछि उत्तर कोरियाले अमेरिकी प्रायद्वीप गुआममा क्षेप्यास्त्र हमला गर्ने चेतावनी अमेरिकालाई दिएको थियो ।(एजेन्सी)
© copyright 2016-2019 and all right reserved to jaljalakhabar | Site By : sobij
