प्रकाशित मिति : बुधबार, पुस २६, २०७४
पोखरामा ३५ वर्षपछि आयोजित भारोत्तोलनको महिला ४८ केजी तौल समूहको क्लिन एन्ड जर्कमा राईले बुधबार ६६ केजी तौल उठाउँदै १२ वर्षअघि वीरगन्जमा नीता थापाले राखेको राष्ट्रिय कीर्तिमान तोडेकी हुन् ।
स्न्याचतर्फ ५२ केजी उचालेकी राईले समग्रमा भने थापाको ११८ केजीको कीर्तिमान बराबरीमात्रै गरेकी छन् ।
गत वर्ष दुईओटा प्रतियोगितामा रजतपदकमा खुम्चिएकी राईले तेस्रो प्रयासमा भने राष्ट्रिय कीर्तिमानसहितको स्वर्णपदक उचालिन् ।
उदयपुर घर भएकी राईले चार वर्षको नियमित प्रशिक्षणपछि स्वर्णसहित कीर्तिमान कायम गर्न सकेकोमा खुसी व्यक्त गरिन् ।
उनले भनिन्-‘प्रहरीमा प्रवेश गरेपछि नियमित प्रशिक्षण गर्न पाएँ । त्यसैको प्रतिफल हो यो ।’
क्लिन एन्ड जर्कमामात्रै नभइ राईले स्न्याचमा पनि स्वर्ण जितिन् । उनले ५२ केजी तौल उठाइन् ।
प्रतियोगितामा २८ जिल्ला र तीन विभागीय टोलीका १८२ जना खेलाडीले प्रतिस्पर्धा गरिरहेका छन् ।
© copyright 2016-2019 and all right reserved to jaljalakhabar | Site By : sobij
