प्रकाशित मिति : बुधबार, भदौ ६, २०७५
महोत्तरी । बकर इद मनाउन भेला भएका मुस्लिम धर्मावलम्बीहरुबीच झडप हुँदा महोत्तरीमा १० जना घाइते भएका छन् । घाइतेको अवस्था सामान्य छ ।
नमाज वाचनका लागि मस्जिदमा भेला भएका उनीहरुबीच पण्डितको विषयमा विवाद चर्किएपछि झडप भएको हो ।
महोत्तरीको लोहारपट्टी गाउँपालिका–३, महदैया चोकको इदगाहा मस्जिदमा नमाज वाचन गर्न दुई पक्षले आ–आफ्ना पण्डित अघि सारेपछि बढेको विवाद झडपमा परिणत भएको हो ।
परिस्थिति तनावग्रस्त बनेपछि प्रहरीले २ राउण्ड हवाई फायर नै गर्नुपरेको थियो ।
प्रहरीले भीड तितर–वितर पारेपछि अवस्था नियन्त्रणमा आए पनि विवाद मिलिसकेको छैन ।
जिल्ला प्रहरी कार्यालय, महोत्तरीले अहिले दुई पक्षलाई छलफलमा राखेर विवाद मिलाउने प्रयास भइरहेको जनाएको छ ।
© copyright 2016-2019 and all right reserved to jaljalakhabar | Site By : sobij
