प्रकाशित मिति : बुधबार, भदौ १३, २०७५
धनकुटा, भदौ १३ । धनकुटामा सवारी दुर्घटना हुँदा १७ यात्रु घाइते भएका छन् ।
सुनसरीको इनरुवाबाट धनकुटाको नमस्ते झरना घुम्न जाने यात्रु बोकेको को१ख ३५८३ नम्बरको गाडी कोशी राजमार्गअन्तर्गत कोल्बोटेमा दुर्घटना भएको हो ।
घाइतेमध्ये तीन जनाको अवस्था गम्भीर छ ।
ओरालो गइरहेको गाडी ब्रेक फेल भई भित्तामा ठोक्किँदा दुर्घटना भएको ट्राफिक प्रहरीले जनाएको छ । घाइते सबैलाई उपचारका लागि धरानस्थित वीपी कोइराला स्वास्थ्य विज्ञान प्रतिष्ठानमा लगिएको छ ।
© copyright 2016-2019 and all right reserved to jaljalakhabar | Site By : sobij
