प्रकाशित मिति : शनिबार, भदौ २३, २०७५
पोखरा, भदौ २३ । पोखराको बेगनास तालमा एक डुंगा पल्टँदा एकजनाको मृत्यु भएको छ । अरु चारजना बेपत्ता छन् ।
मृत्यु हुनेमा कृष्णकुमारी बजगाइँ रहेकी छन् ।
बेपत्ता हुनेहरुमा शंकर खनाल, शिव खनाल, रबिन खनाल र प्राचीन पौडेल रहेका छन् । बेपत्ता भएकाहरुको खोजीकार्य भइरहेको जिल्ला प्रहरी कार्यालय कास्कीका प्रमुख एसपी ओमराज लामाले जानकारी दिए ।
पोखरा महानगरपालिका–३१ स्थित कमलराज कँडेलको घरमा तीजको दर खान हिँडेका चेलीबेटी सवार डुंगा शनिबार दिउँसो पल्टिएको हो ।
प्रहरीले कँडेलसहित सपना खनाल र निशा पौडेललाई भने जीवितै उद्दार गरेको थियो । उनीहरुको लेखनाथ सामुदायिक अस्पताल र गन्डकी अस्पताल पोखरामा उपचार भइरहेको प्रहरीले जनाएको छ ।
बढी भारका कारण डुंगा पल्टिएको अनुमान गरिएको छ ।
© copyright 2016-2019 and all right reserved to jaljalakhabar | Site By : sobij
