बेगनास तालमा ढुंगा पल्टिँदा हराइरहेकाहरुको खोजी जारी

कास्की । कास्कीको बेगनास तालमा ढुंगा पल्टिँदा हराइरहेकाहरुको खोजी आज पनि जारी छ ।

बेगनास तालमा हिजो ढुंगा पल्टिँदा हराइरहेका ६ जनाको आज बिहानैदेखि पुनः खोजी सुरु गरिएको हो ।

तीजको दर खाएर फर्किने क्रममा डुंगा डुब्दा २ जनाको मृत्यु भएको थियो भने ६ जन हराइरहेका छन् ।

दुर्घटनामा परेका ४ वर्षीय रञ्जित गैह्रे, ५ वर्षीय प्राचिन पौडेल, ७ वर्षीय शंकर खनाल, ८ वर्षीय शिव खनाल, १८ वर्षीया मनिषा बजगाईं र ३२ वर्षीय रवी खनाल बेपत्ता छन् ।

गोताखोरको टोलीले उनीहरुको खोजी गरिरहेको जिल्ला प्रहरी कार्यालय कास्कीले जनाएको छ ।

दुर्घटनामा परेका सरला खनाल र निशा पौडेल सामान्य उपचारपछि घर फर्किएका छन् ।

डुंगा डुब्दा पोखरा–२८ की कृष्णकुमारी वजगाँई र तनहुँ भिमादकी जमुना कँडेल गैह्रेको मृत्यु भएको थियो ।