प्रकाशित मिति : शुक्रबार, अशोज ५, २०७५
काठमाडौं, असोज ५ । विभिन्न सातओटा राजनीतिक दलसम्बद्ध महिला नेत्रीहरुले महिलालाई आर्थिकरुपमा सशक्त बनाउने भन्दै पैरवी अभियान सुरु गरेका छन् ।
‘समृद्ध नेपालका लागि सशक्त महिला’ भन्ने नाराका साथ सुरु गरिएको यस अभियानको उद्देश्य महिलाकेन्द्रित नीति बनाउनुका साथै महिलाको आय–आर्जन वृद्धि गराउने कार्यक्रमहरुमा सरकारी लगानी बढाउनु भएको दाबी उनीहरुले गरेका छन् ।
शुक्रबारदेखि सुरु भएको अभियानमा महिलाको आर्थिक सशक्तिकरण र वित्तीय आत्मनिर्भरतामा बढी जोड दिइएको छ ।
अभियानकाक्रममा आगामी एक वर्षमा महिलाहरुका लागि कर्जासम्म पहुँच, बजारमा पहुँच, सीप र उद्यमशीलता विकास, बालबालिकाको हेरचाहमा सहयोग हुनेगरी स्थानीय सरकारको लगानी बढाउन जोड दिने महिला नेत्रीहरुले बताएका छन् ।
यसका लागि स्थानीय निकायमा कुल बजेटको न्यूनतम् २५ प्रतिशत बजेट छुट्याउनैपर्ने उनीहरुको माग छ ।
© copyright 2016-2019 and all right reserved to jaljalakhabar | Site By : sobij
