प्रकाशित मिति : बिहिबार, अशोज ११, २०७५
बारा, असोज ११ । काठमाडौंबाट बिहीबार सिमरा आएको पहिलो विमानका सम्पूर्ण यात्रीलाई सम्मान गरिएको छ ।
३९औं विश्व पर्यटन दिवसका अवसरमा होटल तथा पर्यटन व्यवसायी संघ बाराले यात्रीलाई विमानस्थलमै स्वागत गर्दै सम्मान गरेको हो ।
पर्यटन दिवसका अवसरमा तीनदिने कार्यक्रम सार्वजनिक गर्दै संघले पहिलो दिन चालकदलका सदस्यसहित काठमाडौंबाट सिमरा आएका सम्पूर्ण यात्रीहरुलाई फूलमाला र खादासहित सम्मान गरेको हो ।
दिवसका अवसर पारेर पर्यटकीय नगरी सिमरामा संघले सम्मान गर्दा यात्रीहरु निकै हर्षित देखिएका थिए ।
पर्यटन दिवसका अवसरमा संघले शुक्रबार अन्तरक्रिया कार्यक्रम गर्दैछ ।
© copyright 2016-2019 and all right reserved to jaljalakhabar | Site By : sobij
