प्रकाशित मिति : मङ्लबार, अशोज १६, २०७५
वीरगन्ज । वीरगन्ज महानगरपालिकाले सडकलाई अवरोध हुने गरी राखिएका सामग्री हटाउन सुरु गरेको छ ।
कतिपय सडकमा जथाभावी निर्माण सामग्रीलगायत अन्य सामान थुपारिँदा सवारी सञ्चालनमा अवरोध आउन थालेपछि महानगरपालिकाले त्यस्ता सामग्री जफत गरी कारबाही सुरु गरेको हो ।
महानगरपालिकाले एक सातादेखि भित्रि बाइपास, रानीघाट तथा वाइपासमा सडक पेटी अतिक्रमण गरी राखिएका सामान जफत गरिरहेको जनाएको छ ।
पटक पटक सूचना गरेर सडक पेटीमा राखिएको सामान हटाउन महानगरपालिकाले अनुरोध गरे पनि स्थानीयले अटेरी गरेपछि त्यस्ता सामान जफत गर्न थालिएको हो ।
© copyright 2016-2019 and all right reserved to jaljalakhabar | Site By : sobij
