प्रकाशित मिति : शनिबार, मंसिर १, २०७५
विराटनगर, मंसिर १ । नेपाली कम्युनिस्ट आन्दोलनका अगुवा एवं पूर्वउपप्रधानमन्त्री भरतमोहन अधिकारीलाई शनिबार विराटनगरमा नागरिक अभिनन्दन गरिएको छ ।
नेकपाका नेता एवं पूर्वअर्थमन्त्रीसमेत रहेका ८२ वर्षीय अधिकारीलाई विराटनगरमा ज्येष्ठ नागरिक सम्मानका साथै नागरिक अभिनन्दन गरिएको हो ।
अन्तर्राष्ट्रिय ज्येष्ठ नागरिक दिवसका अवसरमा भरतमोहन अधिकारी अभिनन्दन मूल समारोह समितिले उनलाई अभिनन्दन गरेको हो ।
सम्मानित व्यक्तित्व अधिकारीले अहिलेको अनुकूल समयको सदुपयोग गर्दै मुलुकलाई आर्थिक समृद्धितर्फ अगाडि बढाउन राजनीतिक नेतृत्वलाई सुझाव दिए ।
अधिकारीले ज्येष्ठ नागरिकलाई मासिक वृद्धभत्ता दिने कार्यको सुरुआत गर्न महत्वपूर्ण भूमिका निभाएका थिए ।
© copyright 2016-2019 and all right reserved to jaljalakhabar | Site By : sobij
