भारतलाई हराउँदै इंल्याण्ड महिला टी-२० विश्वकपको फाइनलमा

भारतलाई पन्छाउँदै इंल्याण्ड आईसीसी महिला टी-ट्वान्टी विश्वकप क्रिकेटको फाइनलमा प्रवेश गरेको छ।

शुक्रबार बिहान वेष्टइन्डिजमा भएको दोस्रो सेमिफाइनलमा भारतलाई ८ विकेटले हराउँदै इंल्याण्ड उपाधि नजिक पुगेको हो।

नर्थ साउथस्थित सर भिबियन रिचार्ड स्टेडियममा भारतले दिएको ११३ रनको लक्ष्यसहित जवाफी ब्याटिङ गरेको इंल्याण्डले १७.१ ओभरमा मात्र २ विकेट गुमाएर पुरा गर्‍यो।

इंग्ल्याण्डलाई सहज जिताउन एमि जोनेस र नाताली स्किभरले ९२ रनको उत्कृष्ट साझेदारी गर्दै इंल्याण्डलाई सहज जित दिलाए। दुबैले ‍नटआउट रहँदै अर्धसतक प्रहार गरे। जोनेसले ४७ बलमा १ छक्का र ३ चौकासहित ५३ रन बनाउँदा स्किभरले ३८ बलमा ५ चौकासहित ५२ रन बनाइन्।

यसअघि टस जितेर पहिले ब्याटिङ गरेको भारतले १९.३ ओभरमा अलआउट हुँदै ११२ रन मात्र बनाउन सक्यो। उसका लागि स्मृति मन्धाना र तन्मय भाटियाले राम्रो सुरूवात दिलाएका थिए। दुबै ओपनरले पावरप्लेमा ४३ रन जोडेका थिए।

३४ रन बनाएर स्मृति आउट भइन्। त्यस्तै १९ बल खेल्दै ११ रन बनाएर तन्मय आउट भइन्।

दुई विकेट गुमेपछि केही धरमराएको भारतीय इनिङ्सलाई जेमीमा रोड्रिग्ज र कप्तान हरमनप्रीतले अगाडि बढाए। तर २६ रन बनाउँदै रोड्रिग्ज रन आउट भइन्।

टिमको स्कोर ८९ हुँदा भारतीय पारी धर्मरायो। ८९ रनमा ३ विकेट गुमाएको भारतले बाँकी १५ रन बनाउँदा ८ विकेट गुमायो। कप्तान हरमनप्रीतले १६ रन मात्र जोड्न सकिन्।

भारतलाई सस्तैमा रोक्न इंग्ल्याण्डका लागि कप्तान नाइटले ३, एक्लेस्टोन र गोर्डोनले २-२ विकेट लिए।