जनकपुरका ३ वटा पानी उद्योगमा शील

जनकपुर– जनकपुरमा मापदण्ड विपरित सञ्चालित ३ वटा पानी उद्योगमा सोमवार शील गरेको छ ।  अनुगमनको क्रममा जनकपुर उपमहानगरपालिका वडा नम्बर ७ स्थित जयप्रकाश चौधरीले सञ्चालन गरेको अम्वर धारा, जनकपुर उपमहानगरपालिका वडा नम्बर ८ स्थित प्रभुनन्दन साहले संचालन गरेको महामाया धारा प्रा.लि. र जनकपुर उपमहानगरपालिका  वडा नम्बर ४ स्थित अजित कुमार रायले संचालन गरेको ग्लोवल एकता पानी उद्योगमा उत्पादन बन्द  गरी शिल गरिएको अनुगमन टोली सदस्य घरेलु तथा साना उद्योगकाका कर्मचारी जितेन्द्र प्रसाद सिंहले जानकारी दिए ।

यस अघि आइतवार जनकपुरको जिरो माइलस्थित मोहम्मद कमालले संचालन गरेको स्टायलिस्ट एकवा प्रालि र जनकपुरकै महुवा कपलेश्वरमा धर्मनाथ मंडलले सञ्चालन गरेको गंगाजल पानी उद्योगमा शील गरिएको थियो ।

शील गरिएको पानी उद्योगहरुले मापदण्ड विपरित संचालन हुनुका साथै पानीलाई जाँच गराएर लिनुपर्ने अनुज्ञापन नविकरण नगराएको अनुगमन टोलीले जनाएको छ ।

जिल्ला प्रशासन कार्यालयका प्रशासकीय अधिकृत दिनेश साहको नेतृत्वमा गरिएको अनुगमनमा खाद्य प्रविधि तथा गुण नियन्त्रण कार्यालय धनुषाका खाद्य निरीक्षक प्रविणकुमार तिवारी, घरेलु तथा साना उद्योग कार्यालयका कम्प्युटर अपरेटर जितेन्द्र प्रसाद सिंहका जिल्ला प्रहरी कार्यालयका प्रतिनिधि, संचारकर्मी लगायतको उपस्थिति थियो ।