बाके कोहलपुरमा पुराना विद्युत पोल हटाई नयाँ विद्युतिकरणको सुरुवात

मधु पौडेल,नेपालगंज ,२०७५÷०८÷१९

बाँकेको कोहलपुर नगर विकास समितिले आफ्नो क्षेत्र अन्तर्गतका पुराना विद्यूतका पोल, तारलाई हटाएर नयाँ विद्यूतिकरण सुरुवात गरेको छ ।

आधुनिक शहर विद्यूतिकरणको मापदण्ड अनुसार समितिले कोहलपुर–११ स्थित आफ्नो क्षेत्र भित्रका जनतालाई सहजताका लागि आधुनिक विद्युतिकरणको शिलन्यास गरेको हो । बुधबार आधुनिक विद्युतिकरणको संघिय सांसद महेश्वर गहतराज अथकले शिलन्यास गरे ।

शिलान्यास कार्यक्रममा बोल्दै कोहलपुर नगरपालिकाका मेयर लुट बहादुर रावतले नगर भित्र विद्युतको ठुलो समस्या जनताले भोगिरहेको र अबदेखि जनताले पाईरहेको विद्युतिय समस्याबाट छुट्कारा पाउने बताए ।

नेपाल विद्युत प्राविधरण कोहलपुर वितरण केन्द्रका प्रमुख जगतनाथ लामिछानेले नगरको टाउन भित्रका जनताले १८ सय मिटर लामो कालो तार तानेर विद्यूत जडान गर्नुपर्ने समस्यालाई समाधान गर्नका लागि कोहलपुर नगरविकाससँगको लामो छलफलबाट व्यवस्थित रुपमा विद्युतिकरण गर्न लागिएको जानकारी दिए ।

नगरविकास समितिको कुल २ करोड २५ लाख लागतमा कोहलपुर टाउन भित्र ४ सय ५० वटा पोल रहने र ती मध्ये ३ सय वटा पोल ११ मिटर लम्बाईका हुनेछन् र ८ वटा ठाउँमा विद्यूत ट्रान्सफर जडान गरिनेछ ।