सुखमय जिवनका लागि सकारात्मक सोंच जरुरी

शिबराज पन्थी

१९ पुष, गढवा । सुखमय जिवन बाँच्नका लागि मानव मष्तिस्कमा सधैव सकारात्मक सोंचको जरुरी भएको विहिवार गढवामा आयोजित एक कार्यक्रमका बक्ताहरुले बताएका छन् । गढवा उद्योग बाणिज्य संघको आयोजना तथा ब्रम्हाकुमारी विश्वविद्यालय दाङको सहआयोजनामा गढवामा भएको एकदिने उत्प्रेरणा कार्यक्रमका बक्ताहरुले यस्तो बताएका हुन ।

गढवा उद्योग बाणिज्य संघका अध्यक्ष रविलाल आचार्यको अध्यक्षता र गढवा गाउँपालिकाका अध्यक्ष सहजराम यादवको प्रमुख आतिथ्यमा भएको कार्यक्रममा बोल्दैे मानव मस्तिष्कमा जब सकारात्मक सोंच हुन्छ तवमात्र जिवन र समाजको प्रगति, शान्ती र समृद्धि हुन्छ– अध्यक्ष यादवले भन्नुभयो ।

राष्ट्रिय अन्तर्राष्ट्रिय ख्यातिप्राप्त उत्पे्ररक रमन कुमार भट्टराइले कार्यक्रममा उपस्थित भएका जनमानसलाई दिनभर सकारात्मक चिन्तन गर्न अनुरोध गर्नुभयो ।

समाजमा नपुग्दो केहि छैन तर मान्छेले कहिल्यै पनि आफुलाई पुगेको महसुस गर्दैन भन्दै मानव मनले गलत सोंच राख्योभने स्वास्थ्यमा प्रतिकुलता निम्तीने बताउनु भयो ।

हरेक चिजलाई सकारात्मक कोणबाट हेर्न र हो त नि म सक्छु ( थ्भक क्ष् ऋबल) को अबधारणामा मानव जिवन सार्थक हुने उहाँले बताउनु भयो । कार्यक्रममा गढवा गाउँपालिका वडा नं. ८ का वडाअध्यक्ष सद्दाम सिद्दिकी, वन तथा वातावरण संरक्षण समन्वय समिति गढवाका अध्यक्ष उमाकान्त पन्त, स्थानीय शिक्षप्रेमी बुद्धिजिवीहरु कपिलदेव खनाल, नवराज देवकोटा र बिकाश रजौरे लगायतले बोल्नु भएको थियो ।

संघका बरिष्ठ उपाध्यक्ष खिमबहादुर बुढामगरको स्वागत मन्तब्यबाट सुरु भएको कार्यक्रमको संचालन संघका सदस्य ओंमप्रकाश बस्यालले गर्नुभएको थियो ।