गुमनाम बनेकी विष्णु माझी मुख छोपेर पहिलोपटक आईन सम्पर्कमा

काठमाडौं, २३ पुष । पछिल्लो समय गायीका विष्णु माझीको गुमनाम जीवनवारे टिकाटिप्पणी हुन थालेपछि उनको खोजि जिल्ला प्रशासन कार्यालयले गरेको थियो । माझीलाई उनका पति सुन्दरमणी अधिकारीले बन्धक बनाएर राखेको भन्दै टिप्पणी भएको थियो ।

विष्णु आफ्ना आमा बुवालाई भेट्न माइत नगएको समेत ११ वर्ष भएको बताइएको थियो । जिल्ला प्रशासन कार्यालयले यि सबै प्रश्नको जवाफ खोज्न विष्णु माझीलाई खोजेको थियो । मिडियामा नआउने तर करोडौं स्रोताको ढुकढुकी बनेकी लोक गायिका विष्णु माझी पति सुन्दरमणि अधिकारीसँग आइतबार स्याङ्जा प्रशासन पुगेको पुष्टि भएको छ ।

प्रशासन कार्यालयमा आफ्ना माइती समेतसंग पुगेकी माझीले आफु धेरै पढेलेखेको नभएका कारण सुन्दरमणिको सहारामा रहेको बताएकी छन् ।

उनीहरू ट्याक्सी रिजर्भ गरेर प्रशासन पुगेका थिए । माझीले अनुहार छोपेकी थिइन् । उनीहरुले माझीले जहिले पनि अनुहार लुकाउनुको कारण भने रहस्य भएको बताएका छन् । तर त्यो रहस्य राख्नुको लक्ष्य रहेको बताएका छन् । अधिकांश प्रश्नको जवाफ दिएका उनका पति अधिकारीले अनुहार छोप्नुको रहस्य एउटा लक्ष्य रहेको जानकारी दिएको स्याङ्जा प्रशासन प्रमुख कोषहरी निरौलाले बताए ।

विष्णु र सुन्दरमणिले विष्णुकी बहिनी जीवन, दाजु बाबुराम, बाबु ताराबहादुर र आमा धर्मकुमारी पनि सँगै आएका थिए । अन्तरजातिय बिहे गरेका कारण गुमनाम बसेको बताइएको थियो ।

विष्णु, सुन्दरमणि र विष्णुको परिवारसँग प्रजिअ निरौला, एसपी लम्साल, प्रमुख प्रशासकीय अधिकृत यादवराज शर्मा र राष्ट्रिय अनुसन्धान प्रमुख रोशन केसीसहितले भेटेका थिए ।

भेटका क्रममा विदेशबाट धेरैले कार्यक्रममा बोलाए पनि कम पढेको र विष्णुलाई मात्र लैजाने आफूलाई नलाने भनेपछि विष्णु विदेश नगएको बताएका थिए ।

सुन्दरमणिसँग बिहेपछि गुमनाम जस्तै रहेकी विष्णुको ११ वर्षपछि बाबुसँग भेट भएको थियो । त्यती धेरै वर्ष पछि छोरीलाई भेट्न पाएकोमा बाबु ५८ वर्षीय ताराबहादुर भने दंग थिए । उनले छोरीसँग भेट्ने सपना पुरा भएको बताए ।